თავდასხმა რუსულ სამრეწველო ობიექტზე - რა დეტალებია ცნობილი
რუსეთის ქალაქ იაროსლავლში სამრეწველო ობიექტზე დრონებით თავდასხმა განხორციელდა, - ინფორმაციას უკრაინული მედია რუსულ „ტელეგრამ“ არხებზე დაყრდნობით ავრცელებს.
- რუსული „ტელეგრამ“ არხების ინფორმაციით, სავარაუდოდ, დრონებით თავდასხმა ქალაქ იაროსლავლის სამხრეთ-დასავლეთით მდებარე ნავთობგადამამუშავებელ ქარხანაზე განხორციელდა.
ადგილობრივი მოსახლეობის ცნობით, ქალაქში აფეთქებების ხმა ისმოდა.
დრონებით თავდასხმა დაადასტურა იაროსლავლის ოლქის გუბერნატორმა, მიხაილ ევრაევმაც.
„ჩვენს რეგიონზე უკრაინული დრონებით თავდასხმა განხორციელდა. უსაფრთხოების მიზნით მოსკოვისკენ მიმავალ გზაზე მოძრაობა შეჩერებულია“, - განაცხადა გუბერნატორმა.