რა ქონებას ფლობს გრიგოლ ლილუაშვილის ყოფილი მოადგილე ლევან ახობაძე, რომელიც ქრთამის აღების ბრალდებით დააკავეს?

საქართველოს სახელმწიფო უსაფრთხოების სამსახურის (სუს-ი) ყოფილი უფროსის გრიგოლ ლოლუაშვილის ყოფილი მოადგილე, ლევან ახობაძე დააკავეს. ამის შესახებ დღეს, სუს-ში დღეს გამართული ბრიფინგიდან გახდა ცნობილი.

უწყების ცნობით, ლევან ახობაძე დაკავებულია განსაკუთრებით დიდი ოდენობით ქრთამის აღების ფაქტზე, რაც სასჯელის სახედ და ზომად თავისუფლების 11-დან 15 წლამდე ვადით აღკვეთას ითვალისწინებს.

• "ბიზნესპრესნიუსი დაინტერესდა, რა ქონება ფლობს ლევან ახობაძე.

ყოფილი თანამდებობის პირმა ქონებრივი დეკლარაცია 2026 წლის თებერვალში წარადგინა.

დოკუმენტის მიხედვით, მის საკუთრებაშია 5 მიწის ნაკვეთის წილი და ბინა.

უფრო კონკრეტულად, სუს-ის უფროსის ყოფილ მოადგილეს ეკუთვნის 125.4 კვ.მეტრი ფართობის ბინა თბილისში, რომელიც 2020 წელს 72 105 აშშ დოლარად იყიდა.

ასევე მის სახელზეა რეგისტრირებული ვანის მუნიციპალიტეტში სოფელ მთისძირში მდებარე 5 მიწის ნაკვეთის 25%-იანი წილი. აღსანიშნავია, რომ ნაკვეთები ახობაძეს სახელმწიფოსგან 1995 წლის მიღება-ჩაბარების აქტით, 0 ლარად აქვს მიღებული 2000-2020-2023 წლებში. ლევან ახობაძესთან ერთად, ამ უძრავი ქონების თანამესაკუთრეები არიან: ქეთევან ახობაძე, სულიკო ახობაძე და მაგული ბურკაძე.

რაც შეეხება ლევან ახობაძის ფინანსურ მდგომარეობას, ქონებრივი დეკლარაციის შევსების მომენტში საბანკო ანგარიშზე ჰქონდა: 1234 ლარი ოვერდრაფტის სახით (მოკლევადიანი სესხი), ასევე უფიქსირდებოდა სესხის მომსახურე ანგარიშზე 2 700 ევრო. გააგრძელეთ კითხვა

იხილეთ ასევე:

• სუს-მა გრიგოლ ლილუაშვილის ყოფილი მოადგილე ლევან ახობაძე დააკავა