"შეშინებული ვიყავი, რადგან ჯო ასეთ მდგომარეობაში არ მენახა... გავიფიქრე, - "ღმერთო ჩემო, მას ინსულტი აქვს" - რას ჰყვება ჯილ ბაიდენი 2024 წლის ტრამპისა და ჯო ბაიდენის დებატებზე?

აშშ-ის ყოფილი პირველი ლედის, ჯილ ბაიდენის თქმით, ეგონა, რომ მის ქმარს, ჯო ბაიდენს, 2024 წლის წარუმატებელი საპრეზიდენტო დებატების დროს, ინსულტი ჰქონდა.

• "შეშინებული ვიყავი, რადგან ჯო ასეთ მდგომარეობაში არც მანამდე და არც მას შემდეგ არასდროს მინახავს. არ ვიცი, რა მოხდა. ვუყურებდი და გავიფიქრე, - "ღმერთო ჩემო, მას ინსულტი აქვს, ამან საშინლად შემაშინა", - ამბობს ჯილ ბაიდენი CBS-სთან ინტერვიუში.

დონალდ ტრამპთან მაშინდელი დებატების შემდეგ, თანაპარტიელთა მხრიდან ჯო ბაიდენი ძლიერი ზეწოლის ქვეშ მოექცა, რათა კანდიდატურა მოეხსნა. საბოლოოდ ბაიდენი საპრეზიდენტო რბოლას გამოეთიშა და მხარ იმჟამინდელ ვიცე-პრეზიდენტს, კამალა ჰარისს დაუჭირა.

ჯილ ბაიდენი ქმრის გვერდით იდგა მისი ათწლეულების განმავლობაში - მთელი მისი პოლიტიკური კარიერის განმავლობაში.

იგი მის ერთ-ერთ ყველაზე გავლენიან მრჩევლად ითვლებოდა პრეზიდენტობის პერიოდში და ჯილი იყო ის ადამიანი, რომელმაც საბოლოოდ დაარწმუნა, რომ აღარ მიეღო მონაწილეობა 2024 წლის საპრეზიდენტო არჩევნებში.

• 2024 წლის ივნისის დებატების შემდეგ, საპრეზიდენტო არჩევნებამდე რამდენიმე თვით ადრე, დემოკრატებმა შეშფოთება გამოხატეს პრეზიდენტის არადამაჯერებელი და მერყევი გამოსვლის გამო.

დებატების დროს ბაიდენმა და ტრამპმა ისეთ თემებზე იკამათეს, როგორებიცაა იმიგრაცია, ეკონომიკა და აბორტის უფლებები. ბაიდენს ხმა ჩახლეჩილი ჰქონდა, რაც მისმა გუნდმა ავადმყოფობით ახსნა, ასევე დაფიქსირდა მომენტი, როდესაც მას აზრი გაუწყდა.

წყარო