"ორი დღის წინ წავიქეცი... მესამე თასიც წამოვა" - კვარაცხელიას და შოთა არველაძის შეხვედრა მატჩის შემდეგ: რა თქვა კვარამ სისხლიან ფეხზე
ჩემპიონთა ლიგის ფინალში პარი სენ-ჟერმენმა ლონდონის "არსენალი" დაამარცხა და ზედიზედ მეორედ, ჩემპიონობა მოიპოვა. ხვიჩა კვარაცხელიას როლი მოედანზე გარდამტეხი იყო.
თავდაპირველად "არსენალი" 1-0-ს იგებდა და პარიზელებს ლონდონელების დაცვის გარღვევა უჭირდათ, თუმცა მეორე ტაიმში, ხვიჩამ ინდივიდუალური ოსტატობის შედეგად, 11-მეტრიანი გამოიმუშავა, უსმან დემბელემ კი პენალტი ზუსტად შეასრულა. ანგარიში გათანაბრდა და საბოლოოდ, საქმე 11-მეტრიანების სერიამდე მივიდა, სადაც გამარჯვება პსჟ-მ მოიპოვა.
ჩემპიონთა ლიგის უკვე ორგზის გამარჯვებულს ვეტერანი ქართველი ფეხბურთელი შოთი არველაძე შეხვდა. ყველამ ნახა მატჩის მიმდინარეობისას ხვიჩას სისხლიანი ფეხის ფოტო და შოთიმ სწორედ ამაზე ჰკითხა.
ხვიჩას თქმით, ორი დღის წინ წაიქცა და ამის შედეგია მისი ფეხის ამგვარი მდგომარეობა.
კვარაცხელიას ასევე ჟურნალისტმა ჰკითხა, ჩემპიონთა ლიგის მესამე თასზე: "მესამე, მესამე არ მოდის?", - რასაც კვარამ ასე უპასუხა - "კი, წამოვა მესამეც"