ისრაელი ირანზე თავდასხმების შეჩერების შესახებ აშშ-ის მოთხოვნას დათანხმდება, თუმცა ლიბანზე თავდასხმას გააგრძელებს - ახლო აღმოსავლეთში კრიზისის ახალი ეტაპი

ისრაელი მიიღებს დონალდ ტრამპის ადმინისტრაციის მოთხოვნას ირანზე თავდასხმების შეჩერების შესახებ, თუმცა გააგრძელებს სამხრეთ ლიბანზე თავდასხმებს, - ამის შესახებ CNN-ს ისრაელიდან წყაროებმა განუცხადეს.

ერთ-ერთი წყაროს შეფასებით, სიტუაცია ძალიან მყიფეა იმის გათვალისწინებით, რომ ირანი კვლავ დაესხმება თავს ისრაელს, თუ ის გააგრძელებს ლიბანზე თავდასხმას.

ცნობისთვის, მანამდე ირანმა განაცხადა, რომ ისრაელის წინააღმდეგ სამხედრო ოპერაციას აჩერებს, თუმცა პირობა დადო, რომ თუ ისრაელი ლიბანზე თავდასხმებს განაგრძობს, გაცილებით მკაცრ და გამანადგურებელ ზომებს მიიღებს.

• გარდა ამისა, ახლო აღმოსავლეთში არსებული ვითარების ფონზე, ვრცელდება ინფორმაცია, რომ დონალდ ტრამპი ბენიამინ ნეთანიაჰუს ესაუბრა.

აშშ-ის პრეზიდენტ დონალდ ტრამპსა და ისრაელის პრემიერ-მინისტრ ბენიამინ ნეთანიაჰუს შორის ბოლო 24 საათის განმავლობაში ეს მეორე სატელეფონო საუბარია.

წყაროების ცნობით, სატელეფონო საუბარი იქამდე შედგა, ვიდრე ირანი ისრაელის წინააღმდეგ სამხედრო ოპერაციის შეჩერების შესახებ გამოაცხადებდა.

ჯერჯერობით უცნობია, თუ კონკრეტულად რა საკითხები განიხილეს ტრამპმა და ნეთანიაჰუმ.

ცნობისთვის, დონალდ ტრამპი ბენიამინ ნეთანიაჰუს კვირასაც ესაუბრა და მაშინ ისრაელის პრემიერ-მინისტრს ირანის წინააღმდეგ საპასუხო იერიშებისგან თავის შეკავებისკენ მოუწოდა.