პარტნიორები:
ავტორი:

ბებია, რომელიც რამდენიმე თვის წინ შვილიშვილზე ძალადობისთვის დააკავეს, Tiktok-ზე მორიგ ვიდეოში კვლავ ბავშვს ეჩხუბება - დაწყებულია გამოძიება (ვიდეო)

ბებია, რომელიც რამდენიმე თვის წინ შვილიშვილზე ძალადობისთვის დააკავეს, Tiktok-ზე მორიგ ვიდეოში კვლავ ბავშვს ეჩხუბება - დაწყებულია გამოძიება (ვიდეო)

სოციალურ ქსელში 7 ივნისს გავრცელდა ვიდეო, სადაც ჩანს, რომ ბებია მცირეწლოვან შვილიშვილს ეჩხუბება და ბავშვი კი ტირის. ეს სწორედ ის ბებიაა, რომელიც რამდენიმე თვის წინ შვილიშვილზე ძალადობის ბრალდებით დააკავეს. ქალმა მაშინ ბავშვს TikTok ლაივში სცემა.

  • როგორც ირკვევა, საპატიმრო ბებიამ მალევე დატოვა.

"ეს ბებია ხო გახსოვთ? დააკავა ქუთაისის პოლიციამ, სასამართლომ კი მინიმალური სასჯელი მიუსაჯა!

დღეს ისევ ლაივშია, ისევ ბავშვით ხელში დანარჩენს ვიდეოში თქვენც ხედავთ!

ძველი ვიდეო არ გეგონოთ გუშინდელია! ბავშვის დედა თბილისშია, ბავშვი ქუთაისში “ბებიასთან” ქვედა ფანჯარაში ლაივშია დედაც ჩართული და რეაგირება არ აქვს!!

რა ხდება ამ ქვეყანაში? სადაა სამართალი", - წერს აქტივისტი ბექა კვაჭანტირაძე და ქალის ლაივიდან კონკრეტულ მონაკვეთს ფეისბუქში აქვეყნებს.

<iframe width="560" height="315" src="https://www.youtube.com/embed/holabfnG9X8?si=FmKz2_DUEGhiY9UR" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ambebi.ge-ს ინფორმაციით, ბავშვი აღნიშნული ვიდეოს გავრცელების შემდეგ სოციალური სამსახურის წარმომადგენლებმა წაიყვანეს.

ჩვენ დავუკავშირდით შინაგან საქმეთა სამინისტროს, სადაც გვითხრეს, რომ ახლად გავრცელებულ ვიდეოსთან დაკავშირებით დაწყებულია გამოძიება, 126-ე პრიმა მუხლით, რაც ოჯახის წევრის მიმართ ძალადობას გულისხმობს.

  • სამართალდამცველებმა აღნიშნული პირი წარსულში, 2025 წლის 1 სექტემბერს დააკავეს. დაკავებულს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ა“ ქვეპუნქტით (ოჯახის ერთი წევრის მიერ ოჯახის სხვა წევრის მიმართ ძალადობა, ჩადენილი ასაკის ნიშნით შეუწყნარებლობის მოტივით, წინასწარი შეცნობით არასრულწლოვანის და უმწეო მდგომარეობაში მყოფის მიმართ) წარედგინა, რაც სასჯელის სახედ და ზომად 1-დან 3 წლამდე თავისუფლების აღკვეთას ითვალისწინებს.

2 სექტემბერს კი ქუთაისის სასამართლომ ბებიას, რომელმაც 2 წლამდე შვილიშვილი tik-tok ლაივში სცემა, აღკვეთის ღონისძიების სახით პატიმრობა შეუფარდა. დაკავებული როდის გაათავისუფლეს, უცნობია.