ქალმა სამი მცირეწლოვანი შვილი სასტიკად მოკლა - ადვოკატმა მომხდარი მშობიარობის შემდგომი დეპრესიით ახსნა: უმძიმესი დანაშაული მასაჩუსეტში

მასაჩუსეტსში მცხოვრები 35 წლის ყოფილი მედდა, ლინდსი კლენსი, სასამართლოს წინაშე სამი მცირეწლოვანი შვილის მკვლელობის ბრალდებით წარდგება. პროკურორების განცხადებით, ახალი მტკიცებულებები მიუთითებს, რომ მკვლელობები განზრახ და განსაკუთრებული სისასტიკით იყო ჩადენილი.

• საგამოძიებო მასალების მიხედვით, 2023 წლის 24 იანვარს ლინდსი კლენსიმ თავისი სამი შვილი — 5 წლის კორა, 3 წლის დოუსონი და 8 თვის კალანი — სავარჯიშო ზოლების გამოყენებით მოკლა.

პროკურორების ვერსიით, ლინდსი კლენსიმ სავარჯიშო ზოლები ბავშვების კისერზე თავად მოუჭირა და ასე გამოიწვია მათი სიკვდილი.

დაცვის მხარე არ უარყოფს, რომ ბავშვები მისმა ქმედებებმა იმსხვერპლა. თუმცა ადვოკატების განცხადებით, მკვლელობების დროს ის მძიმე მშობიარობის შემდგომი ფსიქოზით იტანჯებოდა და სხვადასხვა მედიკამენტის ძლიერი ზემოქმედების ქვეშ იმყოფებოდა.

დაცვა სასამართლოს სთხოვს, კლენსი ფსიქიკური მდგომარეობის გამო სისხლის სამართლის პასუხისმგებლობისგან გაათავისუფლოს.

ამასთან, ლინდსიმ და მისმა მეუღლემ, პატრიკ კლენსიმ, სარჩელი შეიტანეს ქალის მკურნალი ექიმების წინააღმდეგ. მათი მტკიცებით, ექიმებმა მას სწორი დიაგნოზი ვერ დაუსვეს და არასწორი მკურნალობა დაუნიშნეს, რამაც მისი ფსიქიკური მდგომარეობა კიდევ უფრო გააუარესა.

ლინდსი კლენსის სასამართლო პროცესი ივლისშია დანიშნული.

წყარო