სპორტის უცნაური სახეობა, რომელიც სიცოცხლეს 10 წლით ახანგრძლივებს – რას გვირჩევენ ონკოლოგები?

ონკოლოგებისა და მკვლევრების თქმით, სიცოცხლის ხანგრძლივობის გაზრდის საუკეთესო გზა ჩოგნიანი სპორტის სახეობებია (ტენისი, ბადმინტონი, პიკლბოლი).

• რატომ არის ეს სპორტი ასეთი ეფექტური?

კვლევებმა აჩვენა, რომ ტენისის მოთამაშეები საშუალოდ 9.7 წლით მეტხანს ცოცხლობენ, ვიდრე ნაკლებად მოძრავი ადამიანები. ბადმინტონი სიცოცხლეს დაახლოებით 6 წელს მატებს. განსაკუთრებით გამოყოფენ პიკლბოლს (ჩოგბურთის მსგავსი თამაში) – ის იაფია, მარტივია სასწავლებლად, ხელმისაწვდომია ნებისმიერი ასაკისთვის და აქვს დიდი სოციალური კომპონენტი (ადამიანებთან ურთიერთობა), რაც ფსიქიკურ ჯანმრთელობასაც აუმჯობესებს.

ჩოგნიანი სპორტი მკვეთრად ამცირებს გულ-სისხლძარღვთა დაავადებების, დეპრესიის, სიმსუქნისა და 13 სახეობის კიბოს განვითარების რისკს.

• ალტერნატივა: „მოკლე აფეთქებები“ ყოველდღიურობაში

თუ სპორტისთვის დრო არ გაქვთ, მეცნიერები გვირჩევენ დღეში სულ რაღაც 4 წუთიან ინტენსიურ აქტივობას. ეს შეიძლება იყოს ყოველდღიური საქმეები, ოღონდ სწრაფ ტემპში შესრულებული:

1. კიბეზე სწრაფი ასვლა;
2. მაღაზიიდან მძიმე ჩანთების ენერგიულად მიტანა სამზარეულომდე;
3. ყავის საყიდლად ძალიან სწრაფი ნაბიჯით წასვლა.

მთავარი წესი: თუ მოძრაობისას იმდენად გიჩქარდებათ სუნთქვა, რომ საუბარი გიჭირთ (ანუ „ქოშინებთ“), ესე იგი აქტივობა საკმარისად ინტენსიურია და ის უკვე იცავს თქვენს ორგანიზმს მძიმე დაავადებებისგან.

კვლევის მიხედვით, ასეთი 1-წუთიანი „აფეთქებების“ დღეში 4-5-ჯერ გამეორება კიბოს რისკს თითქმის ანახევრებს.