“მეც და იტალიაც არავის არასდროს ვეხვეწებით“ - ჯორჯია მელონი ტრამპს ტყუილში ადანაშაულებს და მას ღიად უპირისპირდება: რა მოხდა G7-ის სამიტზე?

იტალიის პრემიერ-მინისტრი ჯორჯია მელონი აშშ-ის პრეზიდენტ დონალდ ტრამპს ღიად დაუპირისპირდა. ამის მიზეზი ტრამპის მიერ იტალიური ტელევიზიისთვის მიცემული ინტერვიუ გახდა, სადაც მან განაცხადა, რომ “მელონი მას ფოტოს გადასაღებად “ეხვეწებოდა“.

საფრანგეთში, ევინ-ლე-ბენში გამართულ G7-ის სამიტზე ლიდერები მართლაც შენიშნეს ახლო საუბრისას, თუმცა ტრამპის ვერსია მოვლენების შესახებ რადიკალურად განსხვავებულია. ტელეარხ La7-თან საუბრისას აშშ-ის პრეზიდენტმა აღნიშნა: “ის მეხვეწებოდა, რომ მასთან ერთად ფოტო გადამეგო; შემეცოდა“.

მან ასევე დასძინა, რომ მელონი, სავარაუდოდ, ბედნიერი იყო მასთან გამოლაპარაკებით.

• ჯორჯია მელონიმ ამ განცხადებებს “სრულად მოგონილი“ უწოდა და აღნიშნა, რომ გაოგნებულია მომხდარით. პროტესტის ნიშნად, იტალიის საგარეო საქმეთა მინისტრმა, ანტონიო ტაიანიმ, აშშ-ში დაგეგმილი ვიზიტი გააუქმა.

მელონიმ თავის 7 მილიონ გამომწერს ინსტაგრამზე პირდაპირ მიმართა და ტრამპის ქცევა მოკავშირეების მიმართ მკაცრად გააკრიტიკა.

“არ ვიცი, რატომ იქცევა აშშ-ის პრეზიდენტი ასე მოკავშირეების მიმართ“, - განაცხადა მან და დასძინა, რომ ტრამპი დასავლეთის მტრების მიმართ გაცილებით უფრო ლმობიერია.

მისი თქმით, ტრამპს ერთი რამ უნდა ახსოვდეს: “არც მე და არც იტალია არასდროს ვიხვეწებით“.

ოდესღაც ახლო პოლიტიკური პარტნიორობა ბოლო თვეებში მკვეთრად გაუარესდა. ურთიერთობა განსაკუთრებით დაიძაბა ტრამპის გადაწყვეტილების შემდეგ, დაეწყო ომი ირანთან, რასაც მელონი ღიად დაუპირისპირდა. ამის საპასუხოდ, ტრამპმა ერთ-ერთ ინტერვიუში აღნიშნა: “მეგონა, მას სიმამაცე ჰქონდა, მაგრამ შევცდი“.

ვითარება კიდევ უფრო გამწვავდა, როდესაც ტრამპმა რომის პაპი ლეო XIV საგარეო პოლიტიკაში “სისუსტეში“ დაადანაშაულა, რაც მელონიმ მიუღებელ განცხადებად შეაფასა.

ტრამპის თავდასხმის შემდეგ, იტალიის პრეზიდენტი სერჯო მატარელა მელონის ტელეფონით დაუკავშირდა და მხარდაჭერა გამოუცხადა. პრემიერ-მინისტრის დასაცავად მთელი იტალიური პოლიტიკური სპექტრი გაერთიანდა.

წყარო