"ვლადიმერ პუტინი და ალექსანდრე ლუკაშენკო ბელარუსის მიმართ ვოლოდიმირ ზელენსკის მუქარას განიხილავენ" - დიმიტრი პესკოვი

რუსეთისა და ბელარუსის პრეზიდენტები ვლადიმერ პუტინი და ალექსანდრე ლუკაშენკო მალე განიხილავენ უკრაინის პრეზიდენტ ვოლოდიმირ ზელენსკის მიერ ბელარუსის მიმართ გამოთქმულ მუქარასთან დაკავშირებულ სიტუაციას, - ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

• "თქვენ იცით, რომ ამის შესახებ ალექსანდრე გრიგორიევის ძემ (ლუკაშენკომ) ისაუბრა, ის უახლოეს მომავალში კონტაქტების დამყარებას გეგმავს. ეს კარგი შესაძლებლობა იქნება ამ და სხვა საკითხების განსახილველად“, - აღნიშნა პესკოვმა.

მისი თქმით, ეს "მუქარა აბსოლუტურად აგრესიულია, სხვა ქვეყნის შიდა საქმეებში ჩარევა და სხვა ქვეყნის სუვერენიტეტის ხელყოფაა“.

"მაგრამ ჩვენ ეჭვი არ გვეპარება, რომ ბელარუსის ხელმძღვანელობას და თავად ბელარუსს შეუძლია უზრუნველყოს საკუთარი სუვერენიტეტი“, - აღნიშნა პესკოვმა.

შეგახსენებთ, 19 ივნისს უკრაინის პრეზიდენტმა ვოლოდიმირ ზელენსკიმ განაცხადა, რომ ბელარუსის პრეზიდენტს ალექსანდრე ლუკაშენკოს ერთი კვირა აქვს იმ რეტრანსლატორების მოსახსნელად, რომლებიც რუსული დრონების მიერ უკრაინის ქალაქებზე თავდასხმების სიზუსტეს უზრუნველყოფენ, წინააღმდეგ შემთხვევაში უკრაინა ამას თავად გააკეთებს.