5 ყველაზე დიდი ტბა საქართველოში
- ფოტოგრაფი: პაატა ვარდანაშვილი
საქართველოში ბევრი ულამაზესი ტბაა, თუმცა ზედაპირის ფართობის მიხედვით, ყველაზე დიდი ტბები ძირითადად ჯავახეთის ზეგანზე მდებარეობს.
წარმოგიდგენთ საქართველოს 5 ყველაზე დიდ ტბას ფართობის მიხედვით:
1. ფარავანი
მდებარეობა: ნინოწმინდის მუნიციპალიტეტი (ჯავახეთის ზეგანი)
ფართობი: 37.5 კმ²
საინტერესო ფაქტი: ეს არის საქართველოს ყველაზე დიდი ტბა ფართობის მიხედვით. მიუხედავად დიდი ტერიტორიისა, ის საკმაოდ წყალმარჩხია - მისი მაქსიმალური სიღრმე სულ რაღაც 3.3 მეტრია. ზამთარში ტბა მთლიანად იყინება.
2. ხოზაფინის ტბა
ფართობი: 26.3 კმ² (საქართველოს ფარგლებშია დაახლოებით 14.7 კმ²)
მდებარეობა: ახალქალაქის მუნიციპალიტეტი
მაქსიმალური სიღრმე: 1 მ
საინტერესო ფაქტი: ეს ტბა საქართველოსა და თურქეთის საზღვარზე მდებარეობს. ის ძალიან მნიშვნელოვანი ადგილია გადამფრენი ფრინველებისთვის და შედის ჯავახეთის დაცული ტერიტორიების შემადგენლობაში.
3. პალიასტომი
ფართობი: 18.2 კმ²
მდებარეობა: სამეგრელო-ზემო სვანეთისა და გურიის საზღვარზე (ფოთთან ახლოს)
მაქსიმალური სიღრმე: 3,2 მ
საინტერესო ფაქტი: წარსულში პალიასტომი მტკნარი ტბა იყო, თუმცა დღეს ის შავ ზღვას უერთდება არხით, რის გამოც წყალი მომლაშოა. ის კოლხეთის ეროვნული პარკის ნაწილია.
4. ტაბაწყური
ფართობი: 14.2 კმ²
მდებარეობა: ბორჯომისა და ახალქალაქის მუნიციპალიტეტების საზღვარზე
საინტერესო ფაქტი: ვულკანური წარმოშობის ტბაა, რომელიც ზღვის დონიდან ფრიად მაღლა, 1991 მეტრზე მდებარეობს. წინა ტბებისგან განსხვავებით, ტაბაწყური საკმაოდ ღრმაა - მისი მაქსიმალური სიღრმე 40 მეტრს აღწევს.
5. ხანჩალი
ფართობი: 13.3 კმ²
მდებარეობა: ნინოწმინდის მუნიციპალიტეტი
საინტერესო ფაქტი: საქართველოში ყველაზე წყალმარჩხი ტბაა, მისი საშუალო სიღრმე სულ რაღაც 0.8 მეტრია. ამის გამო ზაფხულში წყალი კარგად თბება, რაც ხელს უწყობს წყლის მცენარეულობისა და ფრინველების სიმრავლეს.
იხილეთ ასევე: