ხვიჩა კვარაცხელია, ანუკი არეშიძე, სოფო ნიჟარაძე და სხვები - ცნობილი ქართველების არდადეგები მსოფლიოს სხვადასხვა კუთხეში (ფოტოები)

ზაფხულის სეზონი ოფიციალურად გახსნილია და ქართველი საზოგადოებისთვის ცნობილი სახეებიც მსოფლიოს სხვადასხვა წერტილიდან საოცარ კადრებს გვიზიარებენ. ნახეთ, ვინ სად ისვენებს და როგორ ატარებს ცხელ დღეებს:

• ხვიჩა კვარაცხელიას დილა ველოსიპედით

საქართველოს ნაკრებისა და საფრანგეთის ვარსკვლავი, ხვიჩა კვარაცხელია, დილას სიყვარულის ქალაქ პარიზში იწყებს. როგორც მის მიერ გავრცელებული კადრებიდან ჩანს, ფეხბურთელი დროს აქტიურად ატარებს და დღეს ველოსიპედით სეირნობით იწყებს.

მანამდე მისმა მეუღლემ ნიცა თავაძემ "ინსტაგრამზე" გამოაქვეყნა ფოტოები, რომელშიც ჩანს, მსოფლიოს საუკეთესო ვინგერი ოჯახთან ერთად ზღვის სანაპიროზე როგორ ისვენებდა. ის საფრანგეთის ჩემპიონატის დასრულების შემდეგ საქართველოშიც იყო ჩამოსული.

მას შემდეგ რაც პარი სენ-ჟერმენთან (პსჟ) ერთად უეფას ჩემპიონთა ლიგის ტრიუმფატორი მეორედ გახდა და სეზონის საუკეთესო ფეხბურთელადაც დასახელდა, ის სრულფასოვან შვებულებაშია, რადგან საქართველოს ნაკრები 2026 წლის მუნდიალზე არ ასპარეზობს.

• სოფო ნიჟარაძე საბერძნეთში შვილთან ერთად

მომღერალი სოფო ნიჟარაძე ზაფხულის დღეებს ეგზოტიკურ საბერძნეთში ატარებს. სოფო დასვენების დღეებს მთლიანად შვილს უთმობს. მან სოციალურ ქსელში ელის-მარიასთან ერთად გადაღებული კადრები და ასევე საკუთარი ფოტო გაუზიარა გამომწერებს.

• ანუკი არეშიძე იტალიაში

დიზაინერი ანუკი არეშიძე ტრადიციას არ ღალატობს და ზაფხულის ცხელ დღეებს იტალიაში ატარებს. ანუკიმ ზღვის სანაპიროდან საოცრად ესთეტიკური ფოტო გამოაქვეყნა, რომელზეც ჩანს გიგანტური ჩალის ქუდითა და დახვეწილი საზღვაო იმიჯით პოზირებს მზის ჩასვლის ფონზე.

• მარიანა აჩბას ლონდონური ზაფხული

პიანისტი მარიანა აჩბა წელს ზღვის სანაპიროებს ევროპულ ვინტაჟს ამჯობინებს. ის დიდ ბრიტანეთში, კერძოდ ლონდონში იმყოფება. მარიანა ქალაქის ქუჩებში ფერად, ზაფხულის თავისუფალ სტილში გამოწყობილი სეირნობს.

• ნატალიკო ქუთათელაძე და ეკა მამალაძე - დედა-შვილის ესპანური ვოიაჟი

მომღერალი ნატალიკო ქუთათელაძე დედასთან, ეკა მამალაძესთან ერთად ესპანეთში მოგზაურობს. მათ მიერ გავრცელებულ ფოტოებში ჩანს, რომ დედა-შვილი ევროპული არქიტექტურით ტკბება და დროს სასიამოვნოდ ატარებს.

• ნინი ქარსელაძე საჯავახოში

მომღერალმა ნინი ქარსელაძემ არჩევანი საქართველოში გააკეთა და დასვენების ამსახველი კადრები საჯავახოდან გამოაქვეყნა.

• ბუდუ ზივზივაძის მოგზაურობა მეუღლესთან ერთად

ბუდუ ზივზივაძემ დასვენება ესპანეთში გადაწყვიტა. მეუღლესთან ერთად მოგზაურობის ამსახველი ფოტოები სოციალურ ქსელში გამომწერებს გაუზიარა.

• ლიკა კვარაცხელიას რომანტიკული დასვენება

ტელეწამყვანმა ლიკა კვარაცხელიამ მეუღლე მურთაზ შელიასთან ერთად ესპანეთში იმოგზაურა. რომანტიკული კადრები "ინსტაგრამის" საშუალებით გააზიარა.