ნებისმიერი ბავში, რომელიც აშშ-ში დაიბადება, ქვეყნის მოქალაქეობას მიიღებს - სასამართლომ ტრამპის აღმასრულებელი ბრძანება გააუქმა
აშშ-ის უზენაესმა სასამართლომ პრეზიდენტ დონალდ ტრამპის აღმასრულებელი ბრძანება, რომელიც ამერიკის ტერიტორიაზე დაბადებული ბავშვებისთვის მოქალაქეობის ავტომატურ მინიჭებას ზღუდავდა, ძალაში არ დატოვა.
6 ხმით 3-ის წინააღმდეგ, მოსამართლეებმა მხარი დაუჭირეს 150-წლიან პრეცედენტს, რომელიც ნებისმიერ ბავშვს, ვინც აშშ-ის მიწაზე დაიბადება, მოქალაქეობას ანიჭებს.
-
"კონსტიტუცია ტრამპზე ძლიერია"
ტრამპის ბრძანება მიზნად ისახავდა მოქალაქეობის ავტომატურად მინიჭების შეწყვეტას იმ ბავშვებისთვის, რომელთა მშობლები ქვეყანაში არალეგალურად ან დროებითი ვიზებით იმყოფებიან. თუმცა, სასამართლომ მიიჩნია, რომ ეს ეწინააღმდეგება აშშ-ის კონსტიტუციის მე-14 შესწორებას, რომელიც ამბობს, რომ ქვეყანაში "დაბადებული ან ნატურალიზებული" პირები მოქალაქეები არიან.
უზენაესი მოსამართლის, ჯონ რობერტსის განცხადებით, შესწორების ენა ნათელია და ეს არის "უფლება, გქონდეს უფლებები".
-
ტრამპის მძაფრი რეაქცია: "სულელი ხალხი"
პრეზიდენტი ტრამპი, რომელიც პირადად ესწრებოდა სასამართლო განხილვებს აპრილში, მომხდარით უკიდურესად უკმაყოფილოა. მანამდე მან სოციალურ ქსელში აშშ-ს "ერთადერთი ქვეყანა, რომელიც საკმარისად სულელია" უწოდა ამ პრაქტიკის გამო და აღნიშნა, რომ ეს არის "არალეგალური იმიგრაციის ყველაზე დიდი მაგნიტი".
მარცხის შემდეგ მან მოსამართლეები, რომლებიც თავად დანიშნა, მაგრამ მის წინააღმდეგ მისცეს ხმა, "სულელ ხალხად" მოიხსენია.
სხვა მნიშვნელოვანი გადაწყვეტილებები იმავე დღეს სასამართლომ კიდევ ორი რეზონანსული გადაწყვეტილება მიიღო:
- ტრანსგენდერი სპორტსმენები: სასამართლომ დაადგინა, რომ შტატებს აქვთ უფლება, აუკრძალონ ტრანსგენდერ ქალებს ქალთა სასკოლო და საუნივერსიტეტო სპორტულ შეჯიბრებებში მონაწილეობა.
- საარჩევნო კამპანიის ხარჯები: გაუქმდა აკრძალვა პოლიტიკური პარტიებისა და ინდივიდუალური კამპანიების ხარჯების კოორდინაციაზე, რაც რესპუბლიკელებისა და ვიცე-პრეზიდენტ ჯეი დი ვენსის გამარჯვებად ფასდება.