"ეს მხოლოდ დასაწყისია" - უკრაინის ელიტური “სპარტანელები“ ყირიმში ჯოჯოხეთს აწყობენ: ვინ არის მეთაური “მხეცი“ და რა ხდება ანექსირებულ ნახევარკუნძულზე?
უკრაინელი დრონების პილოტების ელიტური გუნდი ყირიმში ნამდვილ ჯოჯოხეთს აწყობს, რაც, ექსპერტების შეფასებით, ვლადიმერ პუტინის ომის “ახალ თავს“ წარმოადგენს.
“სპარტას“ ქვედანაყოფის მიერ განხორციელებულმა უწყვეტმა დაბომბვებმა ნახევარკუნძულზე ქაოსი გამოიწვია - გაწყდა სასიცოცხლო მნიშვნელობის მომარაგების ხაზები, დაიწყო ელექტროენერგიის მასობრივი გათიშვა და რეგიონში საგანგებო მდგომარეობა გამოცხადდა.
-
“ყირიმის შიმშილობა“ და რუსული თავდაცვის კრახი
ბრიტანული დაზვერვის ყოფილი ოფიცრის, ფილიპ ინგრამის განცხადებით, კიევი ყირიმს, რომელიც რუსეთის მიერ 2014 წლიდანაა ოკუპირებული, “ეფექტურად აშიმშილებს“.
უკრაინელებმა ნახევარკუნძულზე საჰაერო თავდაცვის სისტემების დიდი ნაწილი გაანადგურეს, რამაც მათ საშუალება მისცა, რეგიონის ცაზე დაუბრკოლებლად იფრინონ.
“უკრაინელები უტევენ ლოგისტიკურ მარშრუტებს ჩრდილოეთ ხიდების გავლით, რაც რუსებისთვის მომარაგების მიღებას შეუძლებელს ხდის“, - აცხადებს ინგრამი.
ამასთანავე, კიევმა დაიწყო მასშტაბური 40-დღიანი კამპანია რუსეთის ენერგეტიკული ინფრასტრუქტურის წინააღმდეგ, რათა პუტინი მოლაპარაკებების მაგიდასთან დასვას.
-
ვინ არიან “სპარტანელები“ და რა იარაღით უტევენ ოკუპანტებს?
სპეციალურ ოპერაციას 422-ე პოლკის სადაზვერვო შტო, ელიტური ასეული “სპარტა“ ახორციელებს, რომლის მიზანიც ყირიმის სრული იზოლაციაა. “სპარტანელებს“ მეთაური, ფსევდონიმით “მხეცი“ (Beast) ხელმძღვანელობს.
ქვედანაყოფი იყენებს 3-მეტრიანი ფრთების მქონე დრონებს Zozulya -ს, რომლებსაც 50-კილოგრამიანი დამანგრეველი ასაფეთქებელი ქობინები გადააქვთ.
მეთაურის თქმით, მათ უკვე გაანადგურეს 94 სამიზნე 103 დრონის გამოყენებით. მათ ანგარიშზეა 1.6 მილიონი ფუნტის ღირებულების რუსული ელექტრონული ბრძოლის სისტემა “ვოლნა კუპოლი“, ზატოკას გემთმშენებელი ქარხანა, იჩკის სარკინიგზო ხიდი და სტრატეგიული მნიშვნელობის ჩრდილოეთ ყირიმის არხი.
-
დარტყმა პუტინის “სათამაშო მოედანზე“ - ოლიგარქები პანიკაში არიან
თავად პუტინმაც კი აღიარა, რომ რუსეთი “უპრეცედენტო ზეწოლას“ განიცდის. ყირიმში საწვავის მარაგი მხოლოდ სამხედრო და სამთავრობო მიზნებისთვისაა დარჩენილი, რაც სამოქალაქო პირების მხარდაჭერას რუსული არმიის მიმართ მკვეთრად ასუსტებს. რუსეთის 50-ზე მეტ რეგიონში საწვავის კრიზისია და ბენზინგასამართ სადგურებზე მკაცრი ლიმიტები მოქმედებს.
ექსპერტების თქმით, ყირიმი პუტინისთვის სიმბოლურად უმნიშვნელოვანესია - ეს რუსი ოლიგარქების “სათამაშო მოედანია“, სადაც მათ მდიდრული აპარტამენტები აქვთ.
“უკრაინელები პუტინის სიმძიმის ცენტრს უტევენ. მათ არ სჭირდებათ ყირიმში ფიზიკური შეჭრა იმისთვის, რომ ის პუტინისთვის გამოუსადეგარი გახადონ და მას ძლიერი ფსიქოლოგიური დარტყმა მიაყენონ“, - აღნიშნავს ინგრამი.
იხილეთ ასევე: