მასშტაბური თავდასხმა "ლუკოილის" ყველაზე დიდ ნავთობგადამამუშავებელ ქარხანაზე - უკრაინის მორიგი იერიში რუსეთზე: დეტალები

უკრაინული დრონების დარტყმის შემდეგ "ლუკოილის" ყველაზე დიდმა ნავთობგადამამუშავებელმა ქარხანამ მუშაობა შეაჩერა, - ამის შესახებ ინფორმაციას რუსული გამოცემა The Moscow Times ავრცელებს.

• მათი ინფორმაციით, "ნიჟეგოროდნეფტეორგსინტეზ“ ნავთობგადამამუშავებელმა ქარხანამ (ნორსი) 2 ივლისიდან დრონებით დარტყმის შედეგად ნავთობის გადამუშავება შეაჩერა.

"ნორსი“, რომელიც რუსეთში მე-4 ადგილს იკავებს სიმძლავრითა და მე-2 ადგილს ბენზინის წარმოებით, დრონებით ხუთშაბათს, 2 ივლისს, დაიბომბა. შედეგად ქარხანაში, რომელიც „ლუკოილის” მთავარი ნავთობგადამამუშავებელი ქარხანაა, პირველადი გადამუშავების მთავარი დანადგარი დაზიანდა, რომელიც ქარხნის სიმძლავრის 53%-ს შეადგენდა.

კიდევ ერთი დანადგარი, რომელიც ქარხნის სიმძლავრის 25%-ს შეადგენდა, დრონებმა მწყობრიდან 24 ივნისს გამოიყვანეს. 2 ივლისიდან „ნორსიმ“ შეწყვიტა საავტომობილო ბენზინისა და დიზელის საწვავის საბითუმო რეალიზაცია სანქტ-პეტერბურგის ბირჟაზე.