მსოფლიოს ყველაზე ღრმა გამოქვაბული, რომელიც საქართველოშია, ადამიანის 78 ორგანო, "მწვანე" ვეფხვი და სხვა... - უცნობი სამეცნიერო ფაქტი ჩვენს სამყაროზე: რას წერენ უცხოელი გეოლოგები

სამყარო სავსეა საიდუმლოებითა და უცნაურობებით, რომელთა ახსნასაც მეცნიერები წლების განმავლობაში ცდილობენ. იცოდით, რომ თქვენი ცხვირი მუდამ თქვენს ხედვის არეშია, მაგრამ ტვინი მას უბრალოდ აიგნორებს? ან ის, რომ დნმ-ის ორგანიზებით ადამიანები უფრო მეტად კატებს ვგავართ, ვიდრე ძაღლებს?

წარმოგიდგენთ ყველაზე შოკისმომგვრელ ფაქტებს, რომლებიც სამყაროს სხვა თვალით დაგანახებთ.

• ადამიანის სხეულის "ჩუმი" შესაძლებლობები და 78 ორგანო

მეცნიერების მტკიცებით, ადამიანის სხეულში სულ 78 ორგანოა, მათგან ყველაზე მძიმე კი კანია. თუმცა, ეს მხოლოდ დასაწყისია:

კუჭის მჟავა: ის იმდენად ძლიერია, რომ მეტალის დაწვაც კი შეუძლია, თუმცა ჩვენს სხეულს ტუტე ლორწოვანი გარსი იცავს.

7 თუ 8 ხვრელი? გააჩნია, როგორ განვსაზღვრავთ "ხვრელს", თუმცა ადამიანის სხეულში სწორედ ეს რაოდენობა ფიქსირდება.

ტვინის "ინერცია": გაღვიძების შემდეგ ტვინს სრული კოგნიტური შესაძლებლობების აღსადგენად 15-დან 30 წუთამდე სჭირდება.

"უხილავი" ცხვირი: თქვენ მუდამ ხედავთ საკუთარ ცხვირს, მაგრამ ტვინი ამ ინფორმაციას უბრალოდ შლის, რომ ხედვაში ხელი არ შეგიშალოთ.

• ცხოველთა სამყარო: რატომ არის ვეფხვი "მწვანე" ირმისთვის?

ველური ბუნება კიდევ უფრო მეტ სიურპრიზს გვთავაზობს. მაგალითად, ვეფხვი, რომელიც ადამიანისთვის ნარინჯისფერია, მისი მსხვერპლისთვის (მაგალითად, ირმისთვის) მწვანედ მოჩანს, რადგან მათ ფერების აღქმის განსხვავებული სისტემა აქვთ.

გარდა ამისა, ყველაზე ეფექტური მონადირე სულაც არ არის ლომი ან ვეფხვი. ნემსყლაპია მსხვერპლს შემთხვევათა 97%-ში იჭერს, მაშინ როცა ვეფხვის წარმატების მაჩვენებელი მხოლოდ 10%-ია.

კატის "თათები": კატის თათების ბალიშები იმდენად კარგად ანაწილებს დარტყმას, რომ მეცნიერები მათ პარაშუტისტების ფეხსაცმლის გასაუმჯობესებლად სწავლობდნენ.

გონიერი უტვინოები: მედუზებს, ზღვის ანემონებსა და ჰიდრებს ტვინი არ აქვთ, თუმცა საოცრად რთული ქცევები ახასიათებთ.

• დედამიწა და კოსმოსი: მსოფლიოს ყველაზე ღრმა გამოქვაბული საქართველოშია!

საამაყო ფაქტია, რომ მსოფლიოს ორი ყველაზე ღრმა გამოქვაბული აფხაზეთში, საქართველოში მდებარეობს.

სხვა გეოლოგიური და კოსმოსური საოცრებები:

უძველესი მდინარე: ავსტრალიაში მდებარე ფინკეს მდინარე 300-დან 400 მილიონ წლამდე ასაკისაა.

კოსმოსური "შედუღება": კოსმოსში მეტალები ერთმანეთს ეკვრის, რადგან იქ არ არის ჟანგბადის ფენა, რომელიც მათ განაცალკევებდა.

ცისარტყელა სინამდვილეში წრეა: ჩვენ მას თაღად ვხედავთ, თუმცა თვითმფრინავიდან ან მთის მწვერვალიდან შესაძლებელია მისი სრული წრიული ფორმის დანახვა.

პლანეტის სიცოცხლე: მეცნიერების პროგნოზით, დედამიწა კიდევ 9.5 მილიარდ წელს გაძლებს.

• მათემატიკური და ისტორიული პარადოქსები

იცოდით, რომ თუ ფურცელს 42-ჯერ გადაკეცავთ, მისი სიმაღლე დედამიწიდან მთვარემდე მანძილს გადააჭარბებს?.

ისტორიულად, თანამედროვე ადამიანის (Homo sapiens) გაჩენიდან დღემდე დაახლოებით 10,000-დან 12,000-მდე თაობა შეიცვალა.

რაც შეეხება ლეგენდებს, მეცნიერები დღემდე დავობენ, არსებობდა თუ არა რეალურად მეფე არტური, თუ ის უბრალოდ მეცხრე საუკუნის ტექსტების ავტორთა ფანტაზიის ნაყოფია.

წყარო