ისრაელის თავდაცვის ძალების ცნობით, ღაზაში "ჰამასის“ სპეცდანიშნულების რაზმის მეთაური მოკლეს

ისრაელის თავდაცვის ძალების ცნობით, ღაზას სექტორის სამხრეთ ნაწილში საჰაერო დარტყმის შედეგად "ჰამასის“ სპეცდანიშნულების რაზმის, "ნუხბას ძალების“, მეთაურის, მოჰამედ ემად ალრაჰმან აბუ ტაიმას, ლიკვიდაცია განხორციელდა, - ინფორმაციას The Times of Israel-ი ავრცელებს.

ისრაელის თავდაცვის ძალებში აცხადებენ, რომ 7 ოქტომბერს "ჰამასის“ ხელმძღვანელობით განხორციელებული თავდასხმის დროს აბუ ტაიმამ კიბუცი ნირიმი დაარბია.

მათივე ინფორმაციით, აბუ ტაიმა ღაზაში ისრაელის ჯარებისთვის "უშუალო საფრთხეს“ წარმოადგენდა და ამიტომ ის ზუსტი საჰაერო დარტყმით გაანადგურეს.