ვინ იყო ნიღბიანი მამაკაცი, რომელიც აიათოლა ალი ხამენეის დაკრძალვის ცერემონიას უძღვებოდა?

აიათოლა ალი ხამენეის დაკრძალვაზე ნიღბიანი უცნობი მამაკაცი გამოჩნდა, რამაც საბაბი დაუდო სპეკულაციებს იმის შესახებ, რომ ირანის ახალი უზენაესი ლიდერი - მისი ვაჟი, მოჯტაბა ხამენეი - საბოლოოდ გამოჩნდა საჯაროდ.

მგლოვიარე ნიღბიანს, რომელიც წინა რიგში იდგა და გარდაცვლილი ლიდერისთვის ლოცვებს კითხულობდა, მსვლელობის განმავლობაში კეპი და შავი ნიღაბი არ მოუხსნია. თუმცა, როგორც Iran International იტყობინება, ეს ადამიანი არა მოჯტაბა, არამედ მოჰამედ ჯავად ხამენეი იყო - მოკლული აიათოლას უფროსი შვილიშვილი.

აშშ-ის დაზვერვის ცნობით, ჯავად ხამენეი მძიმედ დაიჭრა და სახის მძიმე დამწვრობა მიიღო 28 თებერვალს აშშ-ისა და ისრაელის საჰაერო დარტყმების დროს, რომლის დროსაც 86 წლის ალი ხამენეი დაიღუპა, მოჯტაბა ხამენეი კი მძიმედ დაშავდა.

• ჯავად ხამენეი, ალი ხამენეის უფროსი ვაჟის, მოსტაფა ხამენეის ვაჟია.

მოჯტაბა ხამენეიმ შაბათს Telegram-ზე გამოაქვეყნა წერილობითი მიმართვა, რომელშიც მამამისის სიკვდილისთვის შურისძიების პირობას დებს.

ისლამური რესპუბლიკის ყოფილი მმართველი ხუთშაბათს ექვსდღიანი ცერემონიის შემდეგ დაკრძალეს, რომელშიც, სახელმწიფო მედიის ცნობით, სავარაუდოდ, 43 მილიონმა ადამიანმა მიიღო მონაწილეობა.

წყარო: nypost.com/

მოამზადა: ანა სიბოშვილმა

იხილეთ ასევე:

• აიათოლა ალი ხამენეი ქალაქ მეშჰადში დაკრძალეს