ხელჩართული ჩხუბი და ქაოსი ქუჩებში - არგენტინელი ფანები ერთმანეთს დაუპირისპირდნენ (ვიდეო)
ინტერნეტში დრამატული კადრები ვრცელდება, სადაც ჩანს როგორ დაუპირისპირდნენ ფიზიკურად ერთმანეთს მსოფლიო ჩემპიონატზე ინგლისთან მატჩის წინ არგენტინელი მეტოქე “ულტრასები“ და ერთმანეთს ბოთლები დაუშინეს.
თავიდან კადრებში გულშემატკივრების ორი ჯგუფი ჩანს, რომლებიც ატლანტას (ჯორჯიის შტატი) ხალხმრავალ მოედანზე ერთმანეთის პირისპირ დგას. თუმცა, როდესაც ერთ-ერთმა მამაკაცმა ნაგვის ურნა აიღო და მოწინააღმდეგეებს ესროლა, დაძაბული სცენა ძალადობაში სწრაფად გადაიზარდა.
<blockquote class="twitter-tweet" data-media-max-width="560"><p lang="es" dir="ltr">Jugamos contra Inglaterra , todos unidos <br><br>Los de Huracán y San Lorenzo … <a href="https://t.co/dr5d6q6Lzt">pic.twitter.com/dr5d6q6Lzt</a></p>— Kevin olguin (@Olguinkev) <a href="https://x.com/Olguinkev/status/2077218262253699399?ref_src=twsrc%5Etfw">July 15, 2026</a></blockquote> <script async src="https://platform.x.com/widgets.js" charset="utf-8"></script>
სანამ ჯგუფები ერთმანეთს მუშტებს უშენდნენ, ორმა მამაკაცმა იქვე მდგარი ურნები აიტაცა და საპასუხოდ ისროლა. ერთ-ერთმა ფანმა კი კიდევ უფრო შორს წასვლა გადაწყვიტა, ქუჩაში მდგარი სკამს ხელი დაავლო და მეტოქეების მიმართულებით ისროლა.
- ვითარების განსამუხტად დაპირისპირებაში სამართალდამცველები ჩაერივნენ. პოლიციის მობილიზების მიუხედავად, არგენტინელი ფანები ერთმანეთისთვის სხვადასხვა ნივთების სროლას მაინც აგრძელებდნენ. კადრებში ჩანს მამაკაციცი, რომელიც უცენზუროდ ილანძღება, სანამ პოლიციელი ბორკილებს ადებს და ტერიტორიიდან გაჰყავს.
მოგვიანებით გაირკვა, რომ ჩხუბი “ლა ბუტელერსა“ და “პლაზა ხოსე სი პასის“ ჯგუფებს შორის დაიწყო, რომლებიც ბუენოს-აირესის დაუძინებელ მეტოქეებს, “სან ლორენცოსა“ და “ჰურაკანის“ “ულტრასებს“ მიეკუთვნებიან
არგენტინელი გულშემატკივრები ნახევარფინალის წინა ღამეს მხარდასაჭერ აქციაზე შეიკრიბნენ. მიუხედავად იმისა რომ ტერიტორიაზე უსაფრთხოების ზომები გამკაცრებული იყო, პოლიციელები ჩანთებს ჩხრეკდნენ და სპეციალურად გაწვრთნილი ძაღლების დახმარებით შემსვლელთა ნაკადს აკონტროლებდნენ. შეკრება მალევე ქაოსში გადაიზარდა, როდესაც გულშემატკივართა ორ ჯგუფს შორის ფიზიკური დაპირისპირება დაიწყო, რის გამოც ბევრმა ადამიანმა თავის გადასარჩენად ტერიტორია სასწრაფოდ დატოვა.
“ულტრასების“ ეს საქციელი მკაცრად დაგმო არგენტინელ გულშემატკივართა დიდმა ნაწილმა, მათ არგენტინის ნაკრების ქომაგებს მატჩის დაწყებამდე ერთიანობისკენ მოუწოდეს.