რა ვითარებაა ქუთაისი-ლენტეხის გზაზე, სადაც მდინარე ადიდა და საავტომობილო გზაზე გადავიდა? - აღნიშნულ მონაკვეთზე ავტოტრანსპორტის მოძრაობა აკრძალულია (ვიდეო)
შიდასახელმწიფოებრივი მნიშვნელობის ქუთაისი-წყალტუბო-ცაგერი-ლენტეხი-ლასდილის საავტომობილო გზის 98-ე კილომეტრზე მდინარე ადიდა და საავტომობილო გზაზე გადმოვიდა.
უსაფრთხოების მიზნით, აღნიშნულ მონაკვეთზე ავტოტრანსპორტის მოძრაობა აკრძალულია.
- ინფორმაციას და ვიდეოკადრებს საავტომობილო გზების დეპარტამენტი ავრცელებს.
"წყლის დონის დაწევისთანავე დაიწყო გაწმენდითი სამუშაოები.
ადგილზე მობილიზებულია სპეციალური ტექნიკა და სამუშაოები ინტენსიურ რეჟიმში მიმდინარეობს, რათა უმოკლეს ვადებში აღდგეს ავტოტრანსპორტის მოძრაობა" - ნათქვამია საავტომობილო გზების დეპარტამენტის მიერ გავრცელებულ ინფორმაციაში.