ჟურნალისტი ვახო სანაია საკუთარ საცხოვრებელ სახლთან დააკავეს (ვიდეო)
ჟურნალისტი ვახო სანაია საკუთარ საცხოვრებელ სახლთან დააკავეს. სამართალდამცავები ვახო სანაიას სახლში მას შემდეგ მივიდნენ, რაც მოსამართლემ სანაიასთვის 14-დღიანი ადმინისტრაციული პატიმრობის შეფარდების გადაწყვეტილება მიიღო.
ვახო სანაია დღევანდელ სასამართლოს სხდომას არ ესწრებოდა.
როგორც მან დაკავებამდე ჟურნალისტებს განუცხადა, ის გაჩუმებას არ აპირებს.
- „არ არსებობს არანაირი გარემოება, სადაც მე საკუთარი სიტყვის თავისუფლებას შევზღუდავ”, - განაცხადა სანაიამ.
ინფორმაციისთვის, დღეს, თბილისის საქალაქო სასამართლომ, პარლამენტის თავმჯდომარის, შალვა პაპუაშვილისა და დეპუტატ ვლადიმერ ბოჟაძის შესახებ სოციალურ ქსელში დაწერილი პოსტის გამო ჟურნალისტ ვახო სანაიას 14-დღიანი ადმინისტრაციული პატიმრობა შეუფარდა. გადაწყვეტილება მოსამართლე ზვიად ცეკვავამ მიიღო. თბილისის საქალაქო სასამართლოს პოსტზე სამართლებრივი რეაგირებისთვის შს სამინისტროში შექმნილმა, სიძულვილის ენის წინააღმდეგ ბრძოლის სამმართველომ მიმართა.
წაიკითხეთ ასევე:
- შალვა პაპუაშვილისა და ვლადიმერ ბოჟაძის შესახებ სოცქსელში დაწერილი პოსტის გამო, ვახო სანაიას 14-დღიანი ადმინისტრაციული პატიმრობა შეეფარდა
- ვახო სანაიას მეუღლე დაკავების ფაქტს ეხმაურება - "შოკისმომგვრელია... ძალიან გაგვიჭირდება მის გარეშე, ჩემს თვალწინ პირველად მოხდა მისი დაკავება"
- "რეალურად არ იყო დისტანცირება შეურაცხმყოფელი გამოხატვისაგან" - შსს-ში განმარტავენ, რატომ მოითხოვეს ვახო სანაიას მიმართ ადმინისტრაციული პატიმრობის შეფარდება