ალვანში, მამის მკვლელობისა და ცხედრის დამარხვის ფაქტზე დაკავებულს აღკვეთის ღონისძიების სახით პატიმრობა შეეფარდა
ალვანში, მამის მკვლელობის საქმეზე ბრალდებულ პავლე ლაგაზიძეს თელავის რაიონულმა სასამართლომ აღკვეთის ღონისძიების სახით პატიმრობა შეუფარდა.
პატიმრობის შეფარდების შუამდგომლობა პროკურორმა დააყენა, რაც მოსამართლე გრიგოლ ვატიტაძემ სრულად დააკმაყოფილა.
- გამოძიების ვერსიით, 32 წლის პავლე ლაგაზიძემ საყოფაცხოვრებო ნიადაგზე ურთიერთშელაპარაკების დროს ბლაგვი საგანი მამას თავში რამდენჯერმე დაარტყა, ხოლო, კვალის დაფარვის მიზნით, მამის ცხედარი საცხოვრებელი სახლის ეზოში დამარხა.
ბრალდებული პოლიციამ ცხელ კვალზე დააკავა, მის წინააღმდეგ გამოძიება დამამძიმებელ გარემოებაში ოჯახის წევრის მკვლელობის მუხლით მიმდინარეობს, რაც 20 წლამდე ვადით, ან უვადო თავისუფლების აღკვეთას ითვალისწინებს.