ავტოსაგზაო შემთხვევას ხუთსულიანი ოჯახი ემსხვერპლა, მათ შორის ბავშვები - სოჭში დატრიალებული ტრაგედიის დეტალები
სოჭში მომხდარი ავარიის შედეგად ხუთსულიანი ოჯახი დაიღუპა. ინფორმირებას ამის შესახებ კრასნოდარის მხარის პროკურატურის პრესსამსახური ავრცელებს.
- 26 ივლისს, დაახლოებით 22:30 საათზე, «Toyota Land Cruiser 200»-ის მძღოლმა «კურორტნის პროსპექტის» დუბლიორზე, სველ გზაზე გადაჭარბებული სიჩქარით მოძრაობისას, მართვა დაკარგა და ბეტონის კედელს შეეჯახა.
შემთხვევის შედეგად ადგილზე გარდაიცვალა 42 წლის მძღოლი, მისი 40 წლის მეუღლე და სამი შვილი, 5, 10 და 13 წლის ბავშვები. კიდევ სამი არასრულწლოვანი საავადმყოფოში გადაიყვანეს.
ფაქტზე აღძრულია სისხლის სამართლის საქმე რუსეთის ფედერაციის სისხლის სამართლის კოდექსის 264-ე მუხლის მე-5 ნაწილით (საგზაო მოძრაობის ან ტრანსპორტის ექსპლუატაციის წესების დარღვევა, რამაც გაუფრთხილებლობით ორ ან მეტ პირთა სიკვდილი გამოიწვია). მიმდინარეობს გამოძიება.