ათენის ცენტრში, ჩემოდანში ქალის ცხედარი იპოვეს - ცნობილია მისი ვინაობა: რას აცხადებენ სამართალდამცველები და რას წერს მედია საიდუმლოებით მოცულ ამბავზე?

ათენის ცენტრში, მიტოვებულ შენობაში ჩემოდანში ნაპოვნი ცხედარი იპოვეს. უკვე ცნობილია, რომ ცხედარი 38 წლის ბრიტანელი ქალი, ელიზაბეტ ჯეინ როსის აღმოჩნდა. მისი ვინაობა ცხედრის აღმოჩენიდან 11 დღის შემდეგ დადგინდა.

• საბერძნეთის პოლიციის ინფორმაციით, დნმ-ისა და თითის ანაბეჭდების შედარების შედეგად დადასტურდა, რომ გარდაცვლილი 1988 წელს შოტლანდიაში დაბადებული ბრიტანეთის მოქალაქეა. სამართალდამცავებმა უკვე აცნობეს მომხდარის შესახებ მის ოჯახსაც.

ბერძნული მედიის ცნობით, ელიზაბეტ ჯეინ როსი ათენში მეგობრებთან ერთად იმყოფებოდა. მათი თქმით, ქალი ბოლოს 15 ივლისს ნახეს. გამოძიების ინფორმაციით, ის საბერძნეთში 29 ივნისს კვიპროსიდან ჩავიდა.

• ცხედარი 18 ივლისს უსახლკარო მამაკაცმა კიფსელის რაიონში, მიტოვებულ შენობაში, ჩემოდანში აღმოაჩინა. პოლიციის ცნობით, ქალის მობილური ტელეფონი გარკვეული დროის განმავლობაში კვლავ აქტიური იყო, რაც საქმეს კიდევ უფრო იდუმალს ხდის.

გამომძიებლები ამოწმებენ სათვალთვალო კამერების ჩანაწერებს, ფრენების ისტორიასა და სასტუმროების ჯავშნებს, რათა დაადგინონ, როგორ გადაადგილდებოდა ქალი საბერძნეთში.

საბერძნეთის პოლიციის პრესსპიკერის, კონსტანტინა დიმოგლიდუს განცხადებით, გამოძიება საქმეს დანაშაულებრივ ქმედებად განიხილავს, რადგან ცხედარი ჩემოდანში იყო დამალული.

ადგილობრივი მედიის ინფორმაციით, ექსპერტიზის წინასწარი შედეგები აჩვენებს, რომ ელიზაბეტ როსი ცხედრის აღმოჩენამდე დაახლოებით რვა დღით ადრე იყო გარდაცვლილი. ამასთან, სხეულზე ძალადობის ან ბრძოლის აშკარა კვალი არ აღმოჩნდა.

გამოძიებაში, საჭიროების შემთხვევაში, შესაძლოა ბრიტანელი სამართალდამცავებიც ჩაერთონ. ბრიტანეთის საგარეო საქმეთა სამინისტრომ განაცხადა, რომ ოჯახს საკონსულო დახმარებას უწევს და საბერძნეთის ხელისუფლებასთან მუდმივ კავშირზე იმყოფება.

წყარო