ბენ აფლეკმა შოუში მილიონი დოლარი მოიგო - ვარსკვლავის უჩვეულო გადაწყვეტილება და ფინალური შეკითხვა, რომელმაც მსახიობს გამარჯვება მოუტანა
ბენ აფლეკმა ამ კვირაში, გადაცემაში “ვის სურს გახდეს მილიონერი“ სტუმრობისას, იშვიათი ჯილდო 1,000,000 დოლარი მოიპოვა.
53 წლის ოსკაროსანი მსახიობი, რომელსაც დედა ახლახან კიბოსთან ბრძოლის შემდეგ გარდაეცვალა, შოუს Jeopardy!-ს ჩემპიონ ჯეიმი დინგთან ერთად ეწვია. წყვილმა დიდი თანხა საქველმოქმედო მიზნებისთვი ს მოიპოვა და ის 2010 წელს დაარსებულ ორგანიზაციას “ Eastern Congo Initiative“ -ს გადაერიცხება.
აფლეკი და დინგი $1-მილიონიან ფინალურ შეკითხვას, რომელიც მათ წამყვანმა ჯიმი კიმელი დაუსვა, ტელეკომპანია ABC-ის გადაცემის ოთხშაბათის ეპიზოდში შეეჯახნენ.
შეკითხვა შემდეგი იყო: მადლიერების დღის ყოველწლიური ტრადიციის მიხედვით, აშშ-ის პრეზიდენტებს არაერთი ინდაური “შეუწყალებიათ“. ჩამოთვლილთაგან რომელი სახელი არ ჰქონია არცერთ ასეთ ინდაურს?
სავარაუდო პასუხები იყო:
- Peanut Butter & Jelly
- Tater & Tot
- Mac & Cheese
- Spaghetti & Meatball
აფლეკმა და დინგმა გადაწყვიტეს, “ზარი მეგობართან“ გამოეყენებინათ და დინგის ძველ ინტელექტუალურ პარტნიორს, სტეფენ მოროსონს დაურეკეს.
კიმელმა მათ შეახსენა, რომ ჯერ კიდევ ჰქონდათ დარჩენილი უფლება დახმარება “ჰკითხე წამყვანს“ გამოეყენებინათ . ამაზე მსახიობმა იხუმრა, რომ ჯერ მაინც დინგის მეგობართან დარეკავდნენ.
საბოლოოდ მოთამაშეებმა კიმელის აზრი მაინც გაითვალისწინეს და პასუხად Spaghetti & Meatball დააფიქსირეს, რაც სწორი აღმოჩნდა და მათ ჯილდოს სახით ერთი მილონი დოლარი მოუტანა.
მოგებული თანხა არასამთავრობო ორგანიზაცია “Eastern Congo Initiative“ -ს გადაერიცხება, რომელიც აფლეკმა უიტნი უილიამსთან ერთად 2010 წელს დააფუძნა.
გასულ წელს, ამავე შოუში $1-მილიონიანი ჯილდო აფლეკის ახლო მეგობარმა და კოლეგამ, მეთ დეიმონმაც მოიგო. რომელიც კენ ჯენინგსთან ერთად წყვილში თამაშობდა. მოგებული თანხა დეიმონის საქველმოქმედო ფონდს Water.org-ს გადაერიცხა.