რომელ უნივერსიტეტში გააგრძელებს სწავლას ქუთაისელი აბიტურიენტი, რომელმაც ერთიან ეროვნულ გამოცდებზე, ყველა საგანში მაქსიმალური ქულა მიიღო

"უმეტეს საგანში ველოდებოდი მაღალ შეფასებებს, მაქსიმალურს ნამდვილად არა," - ამბობს "ინფო იმერეთთან" ქუთაისელი აბიტურიენტი, ანანო ბაბუნაშვილი, რომელმაც ერთიან ეროვნულ გამოცდებზე, ყველა საგანში მაქსიმალური ქულა მიიღო.

როგორც ანანო ამბობს, ის სწავლას ქუთაისის საერთაშორისო უნივერსიტეტში გააგრძელებს.

ინგლისურ ენაში 70-დან 70, ქართულ ენასა და ლიტერატურაში 60-დან 60, ხოლო მათემატიკის გამოცდაში 51-დან 51 ქულა მიიღო. ანანო ბაბუნაშვილი მე-11 სკოლის კურსდამთავრებულია.