"დინამოს“ ბაზაზე ვითარება დაიძაბა – ქეცბაიასა და ლორიას დაძაბული საუბრის შემდეგ ყველა გადაწყვეტილების მოლოდინშია
"ვილნიუსიდან დაბრუნების შემდეგ თემურ ქეცბაიასა და გიორგი ლორიას შორის "დინამო თბილისის" ბაზაზე დაძაბული საუბარი შედგა," - ამის შესახებ ინფორმაციას სპორტული გვერდი "GEO TEAM" ავრცელებს.
მათი ინფორმაციით, თემურ ქეცბაიამ დინამო თბილისიდან გიორგი ლორიას გაშვება გადაწყვიტა. გადაწყვეტილების შესახებ მთავარმა მწვრთნელმა გუნდს თეორიაზეც აცნობა.
ამ მომენტისთვის უცნობია, რა გადაწყვეტილებას მიიღებს დინამო თბილისის ხელმძღვანელობა.
როგორც "GEO TEAM" წერს, მწვრთნელის და ფეხბურთელის მრავალწლიანი ურთიერთობა, 2009-2014 წლებში საქართველოს ნაკრებში, ხოლო 2019-2022 წლებში "ანორთოსისში" დაიძაბა.