მორიგი თავდასხმა Wildberries-ის საწყობზე - დრონებით თავდასხმის შემდეგ, ტულას ოლქში მდებარე საწყობში ხანძარია

დრონებით თავდასხმის შედეგად რუსეთის ტულას ოლქში Wildberries-ის საწყობს ხანძარი გაუჩნდა, - ინფორმაციას უკრაინული მედია ავრცელებს.

• მედიის ინფორმაციით, ხანძარი ტულას ოლქის ქალაქ ალექსინში მდებარე Wildberries-ის ლოჯისტიკურ ცენტრში გაჩნდა.

ხანძრის შესახებ ინფორმაცია კომპანიის პრესსამსახურმაც დაადასტურა და განაცხადა, რომ საწყობიდან თანამშრომლების ევაკუაცია განხორციელდა.

ტულას ოლქის გუბერნატორის დიმიტრი მილაევის ცნობით, Wildberries-ის საწყობზე იერიშის შედეგად ერთი ადამიანი დაშავდა.