"ძირს დააგდეს, თავი ასფალტზე არტყმევინეს. ურტყამდნენ კეფისა და თავის არეში" - რას ამბობს კურიერის ადვოკატი, რომელსაც ფიზიკურად გაუსწორდნენ
თბილისში, ყაზბეგის ქუჩაზე, კურიერს, მოქალაქე დავით დვალიშვილს თავს დაესხა დაახლოებით 5-კაციანი ჯგუფი, რომელთა შორის უმეტესობა არასრულწლოვანი იყო და ფიზიკურად სასტიკად გაუსწორდა. ინფორმაციას ამის შესახებ ადვოკატი, იაკო კვანტალიანი ავრცელებს.
დვალაშვილი მიღებული დაზიანებების შემდეგ, კლინიკაში გადაიყვანეს, საიდანაც ამ დროისთვის გაწერილია.
- "ჩემი დაცვის ქვეშ მყოფი სასტიკად ნაცემია. ძირს დააგდეს, თავი ასფალტზე არტყმევინეს. ურტყამდნენ კეფისა და თავის არეში. აღენიშნება უამრავი დაზიანება. თავდამსხმელები უმეტესად არასრულწლოვანები არიან.
ისინი მოქმედებდნენ ჯგუფურად.
როდესაც გამოვიდა - არასრულწლოვანები სავარაუდოდ ეძებდნენ ან დებდნენ ნარკოტიკს, არ ვიცი. მოუწოდეს ტერიტორია დაეტოვებინათ: ეუბნებოდნენ, რომ თითქოს პოლიციაში რეკავდა" - აცხადებს დაშავებული კურიერის ადვოკატი "TV პირველთან".