"ბულგარეთის საჰაერო სივრცეში დრონი აფეთქდა" - ბულგარეთის პრემიერ-მინისტრი
ბულგარეთის საჰაერო სივრცეში დრონი აფეთქდა, - ინფორმაციას ბულგარეთის პრემიერ-მინისტრი რუმენ რადევი ავრცელებს.
- რუმენ რადევის ცნობით, დრონი ბულგარეთის საჰაერო სივრცეში რუმინეთიდან შევიდა და სოფელ კარდამთან ახლოს, ტრანსბალკანური გაზსადენის კომპრესორული სადგურიდან 1000 მეტრში აფეთქდა. ტრანსბალკანური გაზსადენი თურქეთიდან უკრაინამდე გადის.
ბულგარეთის პრემიერ-მინისტრის განცხადებით, დრონის აფეთქების შედეგად არავინ დაშავებულა და არც ინფრასტრუქტურა დაზიანებულა.
მისი თქმით, ქვეყნის სტრატეგიულ ობიექტებსა და ბულგარეთ-რუმინეთის საზღვრის გასწვრივ მეთვალყურეობა გაძლიერდება.
დრონის წარმოშობის დადგენის მიზნით ბულგარეთში გამოძიება დაიწყო.