2026 წლის რეკორდულად ცხელი ზაფხული და "ელ ნინიო" მხოლოდ ახლა იკრებს ძალებს - რა იქნება შემდეგ?

ივნისი–ივლისის პერიოდი ევროპაში ისტორიაში ყველაზე ცხელი აღმოჩნდა ოთხი წლის წინანდელ რეკორდს გადააჭარბა. მეტეოროლოგებმა დაადასტურეს, რომ პლანეტა სწრაფად თბება, განსაკუთრებით კი მსოფლიო ოკეანე, სადაც ელ-ნინიოს ფენომენი მხოლოდ ახლა იწყებს ფორმირებას.

• ელ-ნინიო დროებით გაზრდის ოკეანის ტემპერატურას, თუმცა შედეგები შესაძლოა, გრძელვადიანი აღმოჩნდეს, რადგან ოკეანე პლანეტის ერთგვარი "კონდიციონერია".

ოკეანის გათბობა იწვევს ყინულის საფარის დნობას, რომელიც მზის რადიაციას ირეკლავს, რაც, თავის მხრივ, ჰაერის ტემპერატურის ზრდას კიდევ უფრო აჩქარებს. ეს პროცესი შეუქცევადია და დაკვირვებებითაც დასტურდება:

განსაკუთრებით დაზარალდა დასავლეთ ევროპა, რომელიც მაისიდან მოყოლებული უკვე სიცხის მეოთხე ტალღას განიცდის.

• დასავლეთ ევროპაში ივნის–ივლისის საშუალო ტემპერატურა დაკვირვებების ისტორიაში, ყველაზე მაღალი აღმოჩნდა და ნორმას 2,79°C-ით გადააჭარბა. მთლიანობაში კი კონტინენტზე ვითარება არც ისე მძიმე იყო, რადგან მაშინ, როცა საფრანგეთი, ესპანეთი და ინგლისი მცხუნვარე მზის ქვეშ იწვოდა, აღმოსავლეთ ევროპასა და სკანდინავიაში ჩვეულებრივზე უფრო გრილოდა.

ოკეანეებში, პოლარული განედების ფარგლებს გარეთ (60° სამხრეთ და 60° ჩრდილოეთ განედებს შორის), ზღვის ზედაპირის საშუალო ტემპერატურამ ივლისში დაკვირვებების ისტორიაში ყველაზე მაღალ მაჩვენებელს მიაღწია და ეს ჯერ კიდევ მანამდე მოხდა, სანამ წყნარ ოკეანეში ელ-ნინიოს ფენომენი ჩამოყალიბდებოდა.