ირანმა მოჯტაბა ხამენეის იშვიათი ვიდეო გაავრცელა - რა ჩანს კადრებში
ირანმა უზენაესი ლიდერის, 56 წლის მოჯტაბა ხამენეის, იშვიათი ვიდეო გამოაქვეყნა. კადრები ხამენეის ჯანმრთელობის მდგომარეობისა და მისი აქტიური საქმიანობის დასადასტურებლად გავრცელდა,
- ვიდეოს ირანის სახელმწიფო საინფორმაციო სააგენტო Mehr ავრცელებს. კადრებში ხამენეი წრეში ზის და რამდენიმე მამაკაცს ესაუბრება, თუმცა უცნობია, სად და როდის არის ვიდეო გადაღებული.
ხამენეი საჯაროდ თითქმის ექვსი თვეა არ გამოჩენილა. აშშ-ისა და ირანის ოფიციალური ცნობების თანახმად, 28 თებერვალს მისი მამის, ირანის ყოფილი უზენაესი ლიდერის, ალი ხამენეის სახლზე განხორციელებული საჰაერო იერიშის დროს მოჯტაბა ხამენეიც მძიმედ დაშავდა.
<blockquote class="twitter-tweet" data-media-max-width="560"><p lang="en" dir="ltr">Iran Releases Rare Video Of Supreme Leader Mojtaba Amid Health Concerns. <a href="https://t.co/lgunk0qrQH">pic.twitter.com/lgunk0qrQH</a></p>— Firstpost (@firstpost) <a href="https://x.com/firstpost/status/2086377150274503012?ref_src=twsrc%5Etfw">August 9, 2026</a></blockquote> <script async src="https://platform.x.com/widgets.js" charset="utf-8"></script>- გავრცელებული ინფორმაციით, მას ფეხისა და სახის სერიოზული დაზიანებები ჰქონდა მიღებული. კადრებში ხამენეის არ ეტყობა ის მძიმე დაზიანებები, რომლებზეც ბოლო პერიოდში მედიაში საუბრობდნენ. სწორედ ამიტომ, არსებობს ვარაუდი, რომ ვიდეო შესაძლოა, 28 თებერვალს მომხდარ თავდასხმამდე იყოს გადაღებული.
ირანის პრეზიდენტმა, მასუდ პეზეშქიანმა განაცხადა, რომ ხამენეისთან შეხვედრა საიდუმლო ვითარებაში შედგა. მისი თქმით, აგენტებმა ის თეირანში, უცნობ ადგილას, ჩაბნელებული ფანჯრების მქონე ავტომობილით მიიყვანეს. პრეზიდენტი ამბობს, რომ საუბრისას მას თანამოსაუბრის დანახვა მხოლოდ რამდენიმე წუთის განმავლობაში შეეძლო
-
ხამენეის გაუჩინარებასა და ჯანმრთელობაზე კითხვები მას შემდეგ განსაკუთრებით გამწვავდა, რაც გავრცელდა ინფორმაცია, რომ ის 28 თებერვლის საჰაერო თავდასხმის დროს დაიღუპა.
თეირანმა ეს ცნობები უარყო და მისი მდგომარეობის დასადასტურებლად მოგვიანებით მისი ფოტო და ვიდეომასალაც გაავრცელა - მათ შორის ხელოვნური ინტელექტის გამოყენებით შექმნილი გამოსახულებები.