ნიკოლოზ რაჭველი "ოცნების" დეპუტატს კიევიდან პასუხობს - "გამთენიისას ველოდებით აგრესიულ შტურმს, ვემზადები რეპეტიციისთვის… ეს კვირცხალია მზადაა ამ რეალობას გაუძლოს"
გულის ამრევია "ქართული ოცნება", ბოლომდე! გპირდებით, რომ უკრაინელი ხალხის კვალდაკვალ ქართულ ხელოვნებას კიდევ უფრო მეტად შევაყვარებ ჩვენი დროის ჭეშმარიტ გმირებს! - ასე ეხმაურება მუსიკოსი ნიკოლოზ რაჭველი საპარლამენტო უმრავლესობის ლიდერის, ირაკლი კირცხალიას განცხადებას, რომელიც აგვისტოს ომის შემდეგ, ქართული კულტურის ცალკეული წარმომადგენლის, მათ შორის ნიკოლოზ რაჭველის მიერ, რუსეთში გამართულ კონცერტებს შეეხება.
- ნიკოლოზ რაჭველი ირაკლი კირცხალიას განცხადებას სოციალურ ქსელში პოსტით პასუხობს.
"ამ საღამოს ლვოვიდან ჩამოვედი კიევში, რადგან ხვალ რეპეტიცია მაქვს ორკესტრთან, ვამზადებთ ერთდროულად ორ საფესტივალო პროგრამას. შემოვდგი თუ არა ბინაში ფეხი განგაში გამოცხადდა და ბალისტიკური რაკეტები გარშემო ჩამოვარდნენ… გავიქეცი თავშესაფარში… მერე შინ დავბრუნდი, რადგან სანოტო მასალა ხვალამდე უნდა მოვაწესრიგო… ცოტა ხანი სიმშვიდეა, თუმცა გამთენიისას ისევ ველოდებით რუსეთის აგრესიულ შტურმს… მე კი ვემზადები რეპეტიციისთვის…
ჰოდა, ახლა მითხარით, ეს ვიღაც კვირცხალია (მგონი, სწორად მახსოვს მისი გვარი), მზადაა ამ რეალობას გაუძლოს იმისთვის, რომ ხვალ სიკეთე გააკეთოს? გულის ამრევია “ქართული ოცნება”, ბოლომდე! მე კი გპირდებით, რომ უკრაინელი ხალხის კვალდაკვალ ქართულ ხელოვნებას კიდევ უფრო მეტად შევაყვარებ ჩვენი დროის ჭეშმარიტ გმირებს!
მე ვიპოვე ჩემი მისია!. პუტინის სისხლიან რეჟიმს დედა თუ არ მ…ბა, მე უარს ვიტყვი ღვთის მიერ მონიჭებულ სიცოცხლისა და ბედნიერების უფლებაზე, ვინაიდან სამართალი ყველაზე მაღალი ღირებულებაა და უპირველესად გიორგი ანწუხელიძის სული იმსახურებს ამას!” - წერს ნიკოლოზ რაჭველი სოციალურ ქსელში წუხელ გამოქვეყნებულ პოსტში.
შეგახსენებთ, “ქართული ოცნების” წარმომადგენელმა, საპარლამენტო უმრავლესობის ლიდერმა ირაკლი კირცხალიამ გუშინ ასეთი განცხადება გააკეთა: “გარე ინტერესებს არაერთი ადამიანი ემსახურება, ამის მაგალითია იმ ე.წ. კულტურის მოღვაწეების სია, რომლებიც 2008-2022 წლებში რუსეთში საქმიანობას არ ერიდებოდნენ, მათ შორის არიან “სუხიშვილები”, ნიკოლოზ რაჭველი და პაატა ბურჭულაძე”.
წაიკითხეთ ასევე: