"ომის დასრულების შემდეგ დრო მჭირდება, რომ ოჯახთან და ზღვასთან დრო გავატარო" - ვოლოდიმირ ზელენსკი
ომის დასრულების შემდეგ გარკვეული დრო მჭირდება, რომ დრო ოჯახთან და ზღვასთან ერთად გავატარო, - ამის შესახებ უკრაინის პრეზიდენტმა ვოლოდიმირ ზელენსკიმ CNN-თან ინტერვიუში განაცხადა, როდესაც უპასუხა შეკითხვას, სურს თუ არა ომის შემდეგ უბრალოს პლაჟზე დაჯდეს და ლუდი დალიოს.
ამასთან, კითხვაზე, ენატრება თუ არა ოჯახი, უკრაინის პრეზიდენტმა უპასუხა:
"მენატრება, რა თქმა უნდა, მენატრებიან ისინი და, რა თქმა უნდა, ყოველთვის ვეუბნები მათ, რამდენად მიყვარს ისინი. გრძნობ, ფიზიკურად გჭირდება მათი ჩახუტება. ეს უზარმაზარი მხარდაჭერაა, უზარმაზარი ენერგეტიკული მხარდაჭერა“, - აღნიშნა უკრაინის პრეზიდენტმა.
კითხვაზე, აწუხებს თუ არა ის, რომ ომის შემდეგ შეიძლება უკრაინის პოლიტიკურ სამყაროში "გაიჭედოს“, ზელენსკიმ უპასუხა : "ზღვას ვერავინ წამართმევს. მე მისთვის ვიბრძოლებ“.