უნგრეთში ავტობუსი გადაბრუნდა, რის შედეგადაც, 12 ადამიანი დაიღუპა და 10 დაშავდა (ვიდეო)
უნგრეთში, ავტომაგისტრალზე ღამით პოლონური ავტობუსის გადაბრუნების შედეგად 12 ადამიანი დაიღუპა და 10 დაშავდა , - ინფორმაციას Reuters-ი ავრცელებს.
- ადგილობრივი პოლიციის ცნობით, დღეს დილით, აღმოსავლეთ უნგრეთში, ქალაქ მეზოკერეშტეს ახლოს, ავტობუსი თხრილში გადავარდა და გადაბრუნდა. პოლიციის ცნობით, ავარიის დროს ავტობუსი ქალაქ ნირეგიჰაზას მიმართულებით მიდიოდა.
სახელმწიფო საინფორმაციო სააგენტო MTI-ის ცნობით, ავტობუსში 57 მგზავრი და ორი მძღოლი იმყოფებოდა.
- ავარიას პოლონეთის პრეზიდენტი, კაროლ ნავროცკი გამოეხმაურა.
„ღრმა მწუხარებით მივიღე უნგრეთში პოლონური ავტობუსის ავარიის ტრაგიკული ამბავი, რომლის დროსაც ჩვენი თანამემამულეები დაიღუპნენ“, - დაწერა მან X-ზე.
პოლონეთის საგარეო საქმეთა მინისტრის, რადოსლავ სიკორსკის განცხადებით, მომხდართან დაკავშირებით უნგრეთის ხელისუფლებასთან კონტაქტზე იმყოფებიან.