"დემოკრატია რუსეთის მძევლად არ უნდა იქცეს“ - უკრაინის თავდაცვის ყოფილი მინისტრი მიხაილ ფედოროვი არჩევნების ჩატარებას ითხოვს
უკრაინის თავდაცვის ყოფილი მინისტრი, მიხაილ ფედოროვი, საომარი მოქმედებების პერიოდში არჩევნების ჩატარებას ითხოვს. არჩევნებს ვოლოდიმირ ზელენსკისთვის ბევრი ყველაზე დიდ გამოწვევად მიმიჩნევს რუსეთის უკრაინაში სრულმასშტაბიანი შეჭრის შემდეგ.
მიხაილ ფედოროვის განცხადებით, რუსეთს არ უნდა მისცენ უფლება, განსაზღვროს, როდის შეძლებენ უკრაინელები თავიანთი მთავრობის არჩევას.
"უნდა ვუპასუხოთ ფუნდამენტურ კითხვას: როგორ უნდა ფუნქციონირებდეს სახელმწიფო, თუ ომი წლები გაგრძელდება? და შემდეგ, რა მოხდება, თუ ომი კიდევ ერთ, ორ, სამ წელს გაგრძელდება? შეუძლია თუ არა რუსეთს მოიპოვოს უფლება, განსაზღვროს, როდის შეძლებენ უკრაინელები კვლავ თავიანთი მთავრობის არჩევას? დარწმუნებული ვარ, რომ არა. დემოკრატია რუსეთის მძევლად არ უნდა იქცეს“, - აღნიშნა ფედოროვმა.
- მისი თქმით, უკრაინამ უნდა იპოვოს სამართლებრივი, უსაფრთხო და რეალისტური მექანიზმი, რომელიც საშუალებას მისცემს სრულად განაახლოს დემოკრატიული პროცესი გაჭიანურებული ომის პირობებშიც კი.
"ეს რთულია. უნდა უზრუნველვყოთ სამხედროებისთვის ხმის მიცემის უფლება, ასევე მილიონობით უკრაინელისთვის საზღვარგარეთ და ფრონტის ხაზზე მყოფი ადამიანებისთვის. უნდა უზრუნველვყოთ საარჩევნო პროცესის უსაფრთხოება, ინსტიტუტების დამოუკიდებლობა და შედეგებისადმი ნდობა. მაგრამ სირთულე არ ნიშნავს შეუძლებლობას. უკრაინამ არაერთხელ გააკეთა ის, რასაც მსოფლიო შეუძლებლად მიიჩნევდა“, - აღნიშნა ფედოროვმა