29 წლის რუსი ტურისტი დათვმა კარვიდან გაიტაცა და დაგლიჯა - უმძიმესი ტრაგედიის დეტალები

გასულ ღამეს ალთაიში ტრაგედია მოხდა - 29 წლის ტურისტი ნოვოსიბირსკიდან, ახალგაზრდა ქალი, სახელად სნეჟანა დათვმა დაგლიჯა.

• ღამით მტაცებელმა სნეჟანა კარვიდან გაიტაცა, დაგლიჯა და შეჭამა. მედიის ცნობით, ეს ყველაფერი ახალგაზრდა ქალის საქმროს თვალწინ მოხდა.

"ტრაგედია გასულ ღამეს ტურბაზაზე მოხდა. მტაცებელი თავს დაესხა ტურისტების კარავს, რომელიც მათ მდინარე ბიას ნაპირზე ჰქონდათ გაშლილი, გახია კარავი და გოგონა გაიტაცა.

ამის შემდეგ დათვმა იგი ტყეში გადაიყვანა, სადაც სასიკვდილოდ დაგლიჯა“, - წერს ადგილობრივი მედია. წყარო აღნიშნავს, რომ გარდაცვლილი, წინასწარი მონაცემებით, საგანგებო სიტუაციების სამსახურში მუშაობდა.

შემთხვევის დროს სხვა ადამიანებსაც გაეღვიძათ, ისინი ცდილობდნენ მხეცის მოგერიებას, თუმცა არაფერი გამოუვიდათ.

"ბოლო კვირებში ალთაიში გახშირდა დათვების გამოჩენის შემთხვევები დასახლებულ პუნქტებში. სოფელ იაილიუში უკვე დაწესდა კომენდანტის საათი“, - წერს ადგილობრივი მედია და ადგილობრივ მცხოვრებლებსა და ტურისტებს სიფრთხილის გამოჩენისკენ მოუწოდებს.