საქართველოდან ამერიკამდე - ქართველი ვუნდერკინტის ისტორია, რომელიც აუცილებლად უნდა იცოდეთ
რა მოხდებოდა, თუ განსაკუთრებული ნიჭი გაქვს, მაგრამ შენს ოჯახს შენი განათლებისთვის საჭირო ფინანსური შესაძლებლობა არ აქვს?
დათუნა ზარდიაშვილის ისტორია სწორედ აქედან იწყება.
ბავშვობიდან დათუნა განსაკუთრებული ნიჭით გამოირჩეოდა. წლების განმავლობაში ის საქართველოში ჩატარებული ადგილობრივი და საერთაშორისო ოლიმპიადების გამარჯვებული იყო და საკუთარი შესაძლებლობებით არაერთხელ დაამტკიცა, რომ დიდი მიზნებისთვის იყო დაბადებული.
მაგრამ მის უკან არ იდგა შეძლებული ოჯახი.
დათუნა მარტოხელა დედის, სოციალურად დაუცველი ოჯახიდანაა. ოჯახს უბრალოდ არ ჰქონდა ფინანსური შესაძლებლობა, დათუნა შესაბამისი განათლებითა და პირობებით უზრუნველყო.
და სწორედ მაშინ გამოჩნდა მხარდაჭერა, რომელმაც მისი ცხოვრება შეცვალა. საქართველოს ეროვნულმა ლატარიამ დათუნას განათლებაზე პატრონაჟი წლების წინ აიღო: ჯერ იყო IT აკადემია, შემდეგ — FLEX-ის პროგრამა და ამერიკაში ცხოვრების ხარჯების დაფინანსება.
დღეს კი დათუნა უკვე ამერიკაში სწავლობს და საქართველოს ეროვნული ლატარია მას სწავლის საფასურის 20%-ით უკვე მესამე წელია ეხმარება.
დათუნა ოჰაიოს შტატის Mountain Union University-ის სამედიცინო ინჟინერიის ფაკულტეტის სტუდენტია და უნივერსიტეტში 80%-იანი გრანტით სწავლობს.
წარმოიდგინეთ — ახალგაზრდა, რომელიც საქართველოში სოციალურად დაუცველი ოჯახიდანაა, დღეს ამერიკაში უნივერსიტეტში სწავლობს, სადაც მისი ცოდნა და შესაძლებლობები სათანადოდ ფასდება, მაგრამ დათუნა მხოლოდ სწავლით არ კმაყოფილდება. ამერიკაში მას უკვე მიღებული აქვს არაერთი სიგელი და გამარჯვებულია სხვადასხვა არაფორმალური განათლების ოლიმპიადებში.
ხოლო თავისუფალ დროს? ის ოჰაიოს ერთ-ერთ საავადმყოფოში მუშაობს და პრაქტიკას გადის.
მისი მიზანი კი მხოლოდ პირადი წარმატება არ არის.
„ლატარიის კომპანიის წყალობით მიღებულ განათლებას ამერიკაში აუცილებლად საქართველოში გამოვიყენებ. აუცილებლად დავბრუნდები ჩვენს ქვეყანაში.“- ეს არის დათუნას პირობა.
და სწორედ ამიტომ ეს მხოლოდ ერთი სტუდენტის წარმატების ისტორია არ არის.
ეს არის ისტორია იმის შესახებ, როგორ შეიძლება ნიჭიერ ადამიანს ერთი შესაძლებლობა მთელი ცხოვრების შეცვლაში დაეხმაროს.
საქართველოს ეროვნული ლატარია უკვე წლებია ახორციელებს სხვადასხვა სოციალურ და საქველმოქმედო პროექტს. ლატარიის ბილეთების რეალიზაციიდან მიღებული თანხის ნაწილი სწორედ ასეთი მნიშვნელოვანი ინიციატივების განხორციელებას ხმარდება.
ანუ როცა ლატარიის ბილეთს ყიდულობთ, მხოლოდ მოგების შანსს არ იღებთ. თქვენ იმ ადამიანების მხარდაჭერაშიც მონაწილეობთ, ვისთვისაც ერთი შესაძლებლობა შეიძლება მთელი მომავლის დასაწყისი გახდეს.
დათუნას ისტორია კი გრძელდება.
დღეს ის ამერიკაში სწავლობს. ხვალ კი შესაძლოა მისი ცოდნა საქართველოში უამრავი ადამიანის ცხოვრების შეცვლას მოემსახუროს.
დამატებითი ინფორმაცია ლატარიის გათამაშებებისა და სიახლეების შესახებ — news.lotto.ge
NS