"ირაკლი ღარიბაშვილის ოჯახის წევრი, ნათია თამაზაშვილის მეუღლე გაათავისუფლეს სამსახურიდან! ვინ იქნება შემდეგი" - რას წერს ექსპრემიერის ადვოკატი
ყოფილი პრემიერ-მინისტრის, ამჟამად პატიმრობაში მყოფი ირაკლი ღარიბაშვილის ოჯახის წევრი გუშინ სამსახურიდან გაათავისუფლეს. ამის შესახებ ინფორმაციას ღარიბაშვილის ადვოკატი, ლილი გელაშვილი ავრცელებს.
- გელაშვილის ცნობით, საუბარია ირაკლი ღარიბაშვილის ცოლისდის, ნათია თამაზაშვილის მეუღლეზე. ცნობისთვის, ნათია თამაზაშვილს ექსპრემიერის ადვოკატის სტატუსი აქვს.
"გუშინ, ირაკლი ღარიბაშვილის ოჯახის წევრი, ნათია თამაზაშვილის მეუღლე - ლევან სანამაშვილი, ყოველგვარი ახსნა-განმარტების გარეშე, გაათავისუფლეს სამსახურიდან!
მიზეზი- გასაგებია. ნათია თამაზაშვილი ასევე ადვოკატია და იცავს ირაკლი ღარიბაშვილის უფლებებს. ვინ იქნება შემდეგი", - წერს ლილი გელაშვილი.