რუსთაველის გამზირზე საპროტესტო აქცია განახლდა
პარლამენტთან საპროტესტო აქცია განახლდა.
რუსთაველის გამზირზე შეკრებილ მოქალაქეებს "შაბათის მარშიის" მონაწილეები მივიდნენ.
დღევანდელი მსვლელობის ლოზუნგი იყო: "როცა სახელმწიფო ივანიშვილს ემსახურება, ქალაქები და სოფლები იცლება".
- "ცარიელი სახლები, დაკეტილი ჭიშკრები, დასუსტებული ადგილობრივი თემები და ერთმანეთისგან დაშორებული ოჯახები. ეს არის იმ მმართველობის შედეგი, რომელიც წლებია ერთი კაცის, ბიძინა ივანიშვილის ძალაუფლების შენარჩუნებას ემსახურება" - ნათქვამია ორგანიზატორების განცხადებაში.
ცნობისთვის, მოქალაქეები ერთ წელზე მეტია საკანონმდებლო ორგანოსთან საპროტესტო აქციებს მართავენ და ითხოვენ, დაინიშნოს ახალი საპარლამენტო არჩევნები და გათავისუფლდნენ აქციების დროს დაკავებულები.