დრონებით თავდასხმა რუსეთში, Ozon-ის საწყობებზე - არიან დაშავებულები: რა დეტალებია ცნობილი
რუსეთში Ozon-ის საწყობებზე დრონებით იერიშები განხორციელდა, - ინფორმაციას უკრაინული მედია ავრცელებს.
- მედიის ინფორმაციით, დრონებმა კომპანია Ozon-ის ლოჯისტიკურ ცენტრებს სტავროპოლისა და კრასნოდარის მხარეებში, ასევე დაღესტანში შეუტიეს.
კრასნოდარის მხარის გუბერნატორის ვენიამინ კონდრატიევის განცხადებით, საწყობში ხანძარი დრონის ჩამოვარდნის შედეგად გაჩნდა.
სტავროპოლში დრონებით თავდასხმა დაადასტურა მხარის გუბერნატორმა ვლადიმერ ვლადიმეროვმაც.
ასევე, დრონებით თავდასხმა განხორციელდა დაღესტანში მდებარე Ozon-ის ლოჯისტიკურ კომპლექსზე, რომლის ფართობიც დაახლოებით 130 ათას კვადრატულ მეტრს მოიცავს.
თავდასხმა დაღესტნის მეთაურის მოვალეობის შემსრულებელმა ფიოდორ შჩუკინმა დაადასტურა.
კომპანია Ozon-ის ცნობით, მაჰაჩყალაში მდებარე საწყობში გაჩენილი ხანძრის შედეგად რამდენიმე ადამიანი დაშავდა.
კომპანიის განცხადებით, შენობიდან თანამშრომლების ევაკუაცია განხორციელდა და საწყობმა დროებით მუშაობა შეაჩერა.
~