ტრაგედია საგარეჯოში: უბედურ შემთხვევას 15 წლის გოგო ემსხვერპლა - "რკინის კონსტრუქციის თოკი გოგონას კისერზე შემოეხვია"
საგარეჯოს მუნიციპალიტეტში უბედურ შემთხვევას 15 წლის გოგო ემსხვერპლა.
ინფორმაციას ადგილობრივი მედია "მთავარი ამბები კახეთიდან" ავრცელებს.
- არსებული ინფორმაციით, 15 წლის გოგო საკუთარი საცხოვრებელი სახლის ეზოში მოწყობილ საქანელაზე ქანაობდა, რა დროსაც კონსტრუქციაზე თოკები გადაიგრიხა და გოგონას კისერზე შემოეხვია.
მოზარდი ოჯახის წევრებმა ნახეს, თუმცა მისი გადარჩენა ვეღარ მოხერხდა.
გამოძიება სისხლის სამართლის კოდექსის 115-ე მუხლით, თვითმკვლელობამდე მიყვანის ფაქტზე მიმდინარეობს.