ლაიონელ რიჩი კონცერტის შემდეგ სასწრაფო დახმარებით კლინიკაში გადაიყვანეს - როგორია ლეგენდარული მომღერლის მდგომარეობა
ლაიონელ რიჩი კონცერტის დასრულების შემდეგ საავადმყოფოში გადაიყვანეს. 77 წლის მომღერალს სენტ-ლუისში, მისურის შტატში, გამოსვლის დროს თავბრუსხვევა და სისუსტე დაეწყო. ექიმებმა მისი მდგომარეობის შესამოწმებლად რამდენიმე ტესტი ჩაატარეს.
ინციდენტი შაბათს საღამოს, ფორესტ პარკში მდებარე The Muny-ის სცენაზე მისი გამოსვლის შემდეგ მოხდა. კონცერტის დამსწრეების თქმით, რიჩიმ შოუს დასასრულს მაყურებელს უთხრა, რომ თავს "უცნაურად“ გრძნობდა.
- კონცერტის დასრულების შემდეგ კულისებში პარამედიკოსები გამოჩნდნენ, რის შემდეგაც რიჩი სასწრაფო დახმარების მანქანით საავადმყოფოში გადაიყვანეს. მომხდარის გამო რიჩიმ ჩიკაგოსა და კოლუმბუსში დაგეგმილი ორი კონცერტიც გააუქმა.
მოგვიანებით მომღერალმა გულშემატკივრებს ჯანმრთელობის მდგომარეობის შესახებ თავად აცნობა და განაცხადა, რომ თავს კარგად გრძნობდა.
"მადლობა თითოეული შეტყობინებისთვის, ყოველი კეთილი სიტყვისთვის და თქვენი სიყვარულისთვის. კარგად ვარ", - დაწერა რიჩიმ სოციალურ ქსელში.
ამასთან, მომღერალმა აღნიშნა, რომ პიტსბურგსა და დეტროიტში გამართული კონცერტები მისთვის განსაკუთრებული იყო და გულშემატკივრებს ტორონტოში დაგეგმილ შოუზე შეხვედრა დაჰპირდა.