"ტრაგედია ტრიალებს კოკში... მარიამი და ბაკური დავკარგეთ" - ცნობილია ზუგდიდის მუნიციპალიტეტში მომხდარ ავარიაში გარდაცვლილთა ვინაობა
ტრაგედია დატრიალდა დღეს სამეგრელოში. ზუგდიდის მუნიციპალიტეტის სოფელ კოკში ავტოსაგზაო შემთხვევას ორი პირი ემსხვერპლა.
არსებული ინფორმაციით, მაღალი სიჩქარით მოძრავი მსუბუქი ავტომობილი სავალი გზიდან გადავიდა ფა ღობეს შეეჯახა. შემთხვევის შედეგად, ახალგაზრდა მამაკაცი და ქალი ადგილზე დაიღუპნენ.
- გარდაცვლილები 22 წლის მარიამ ჩიქავა და 50-წლამდე ბაკურ გაბისონია არიან. ისინი სოფელ კოკიდან იყვნენ.
"ტრაგედია ტრიალებს კოკში.. მარიამი და ბაკური დავკარგეთ.. მარიამი ობლად გაზრდილი ბავშვი იყო, დედ-მამა არ ჰყავდა. ამბობენ, სოფელში სტუმრად იყო ბებიასთან, იქიდან რომ მოდიოდა, გზად შეხვედრია ბაკური მანქანით და წამოუყვანია. გზაში ეს ტრაგედია დატრიალდა" - ამბობენ ადგილობრივები.
ადგილზე მობილიზებულია პოლიცია და ექსპერტ-კრიმინალისტები.
როგორც AMBEBI.GE-ს შინაგან საქმეთა სამინისტროში განუცხადეს, მომხდარზე გამოძიება სსკ'ის 276'-ე მუხლით დაიწყო, რაც სატრანსპორტო მოძრაობის დარღვევას გულისხმობს რამაც ადამიანის სიცოცხლის მოსპობა გამოიწვია.