ავარია თუშეთში - ავტომობილი, რომელშიც 5 ადამიანი იმყოფებოდა, გზიდან გადავიდა და რამდენჯერმე ამობრუნდა: გარდაცვლილია ერთი ახალგაზრდა
თუშეთში მომხდარ ავტოსაგზაო შემთხვევას ერთი ადამიანი ემსხვერპლა. შემთხვევა ღამით სოფელ ომალოში ვიზიტორთა ცენტრის მიმდებარედ მოხდა.
თვითმხილველების თქმით, სწრაფად მოძრავი "ტოიოტას" მარკის ავტომობილი, სადაც 5 ადამიანი იმყოფებოდა გზის სავალი ნაწილიდან გადავიდა და რამდენჯერმე ამობრუნდა .
- შედეგად მძღოლი ადგილზე გარდაიცვალა, 4 ახალგაზრდა კი დაშავდა. ისინი სასწრაფო დახმარების ჯგუფმა თელავის საავადმყოფოში გადაიყვანა. ექიმის თქმით-დაშავებულების მდგომარეობა სტაბილურია. მათ მრავლობითი დაზიანებები და ქვედა კიდურების მოტეხილობები აქვთ და უტარდებათ შესაბამისი მკურნალობა.
“ეგ ადგილი, სადაც მოხდა შემთხვევა ვიზიტორთა ცენტრთან არის, მანქანა სწრაფად მოდიოდა და მძღოლმა საჭე ვერ დაიმორჩილა რა დროსავ დაახლოებით გზიდან 20 მეტრი გადავიდა და რამდენჯერმე ამოტრიალდა. მძღოლი გადმოვარდა ავტომობილიდან და ადგილზე დაიღუპა. დანარჩენი ოთხი ახალგაზრდა გადარჩა. ადგილობრივი არცერთი არ იყო" - გვიყვებიან ადგილობრივები.
მომხდარზე დაწყებულია გამოძიება