მაშველებმა ბაჰამის კუნძულებზე 4 ადამიანის ცხედარი იპოვეს - გაუჩინარებული მცირე ზომის თვითმფრინავი და უცნაური ტრაგედიის დეტალები

ბაჰამის კუნძულების ხელისუფლებამ განაცხადა რომ იპოვეს იმ ოჯახის წევრებს ოთხი ცხედარი, რომლებიც ბაჰამის სანაპიროსთან გაუჩინარებული მცირე ზომის თვითმფრინავის ბორტზე იმყოფებოდნენ.

ოფიციალური ინფორმაციით თვითმფრინავი კუნძულ გრეით-ჰარბორ-ქეიდან გასულ ორშაბათს, დაახლოებით დილის 10:12 საათზე აფრინდა და მაიამი-დეიდის ოლქში მდებარე მაიამის აღმასრულებელ აეროპორტში მიფრინავდა. საჰაერო ხომალდთან უკანასკნელი კონტაქტი დილის 11:04 საათზე, კუნძულ ანდროსის დასავლეთით დამყარდა.

სამეფო ბაჰამის თავდაცვის ძალების ცნობით, გარდაცვლილთა ცხედრები სამშაბათს იპოვეს.

ნათესავის თქმით, ბორტზე მყოფი პილოტი 80 წლის მარიო ლამარი, მისი მეუღლე - 79 წლის ლილი ლამარი და მათი შვილიშვილები 28 წლის სოფია სოსა და 22 წლის კრისტიან სოსა იმყოფებოდნენ. ოჯახის წევრები ბაჰამებზე გატარებული უქმეების შემდეგ, შინ მაიამის სახლში ბრუნდებოდნენ.

წყარო