"უჩხუბიათ სადღეგრძელოს გამო, ფეხზე რატომ არ ადექიო, დაჭრა დანით და გაიქცა - დანარჩენებიც გაიქცნენ“ - რას ჰყვებიან ახლობლები თბილისში მოკლულ 17 წლის მოზარდზე
წუხელ თბილისში, ლოტკინის დასახლებაში მომხდარი მკვლელობა გახსნილია. სამართალდამცავებმა ცხელ კვალზე დააკავეს მკვლელობაში ბრალდებული და ახლა არკვევენ ამ შემზარავი მკვლელობის დეტალებს.
მოკლულია 17 წლის დავით ნარიმანიძე. არსებული ინფორმაციით, მას თანატოლმა დანით სასიკვდილო ჭრილობები მიაყენა, დაჭრილი ახალგაზრდა გამთენიას ქუჩაში მოკლული ნახეს. ბრალდებულიც არასრულწლოვანია.დაკავებულები არიან ის პირებიც, რომლებიც კონფლიქტში მონაწილეობდნენ.
- როგორც “კვირის პალიტრა“ წერს, გუშინ საღამოს არასრულწლოვნები ლოტკინზე, ერთ-ერთ "დრაივზე" იყვნენ შეკრებილები და იქ მეგობრის დაბადების დღეს აღნიშნავდნენ. ამბობენ, რომ ადგილზე ათამდე ახალგაზრდა იმყოფებოდა. დაპირისპირება თურმე სადღეგრძელოს მოყვა, რის გამოც დათუნას ასე სადისტურად გაუსწორდა თანატოლი. არასრულწლოვანს დანით ჭრილობები ყელის არეშიც ჰქონია მიყენებული, რამაც სიკვდილი გამოიწვია.
"უჩხუბიათ რაღაც სადღეგრძელოს გამო, შენ ფეხზე რატომ არ ადექიო და დაუწყია ჩხუბი, მერე დაჭრა დანით და გაიქცა. დანარჩენებიც გაიქცნენ იქიდანო, ასე ამბობენ. დანით ჭრილობები მიაყენეს ბავშვს, ყელიც გამოუჭრია დამნაშავეს. არ ვიცი პოლიციაში ვინ დარეკა, ფაქტი ის არის რომ კიდევ ერთი ოჯახი ასე გამწარდა. შვილი აღარ ჰყავს, ვერც მეგობრებმა დაიცვეს," - ამბობს მოქალაქე. განაგრძეთ კითხვა
იხილეთ ასევე:
- "იმ დროს, როცა ჩემს 17 წლის მამიდაშვილს კლავდნენ, შსს-ს რომელიღაც განყოფილებაში თორნიკე რაზმაძის კომენტარებს სქრინავდნენ და მარგარიტა სიმონიანის შეურაცხყოფის გამო სასამართლოში დასაბარებელ წერილს ამზადებდნენ" - მოკლული ბიჭის ახლობელი
- "გამთენიისას იპოვეს ბავშვი მოკლული... პატარა ბიჭები ყოფილან, უჩხუბიათ... როგორ არავინ გამოიძახა პოლიცია?!" - არასრულწლოვნის მკვლელობის დეტალები