"ზელენსკიმ ერთი რამ უნდა გააკეთოს, შეწყვიტოს რუსეთში დიზელის საწვავის მარაგების განადგურება, ვინაიდან, მსოფლიოს აზიანებს"- დონალდ ტრამპი
ზელენსკიმ უნდა შეწყვიტოს რუსეთში დიზელის საწვავის მარაგების განადგურება, უამრავი სხვა სამიზნეა, მაგრამ ნუ ურტყამთ დიზელის საწვავს. ამის შესახებ აშშ-ის პრეზიდენტმა, დონალდ ტრამპმა ირლანდიაში მედიასთან საუბარში განაცხადა.
- მისი თქმით, ზელენსკის აღნიშნულზე ესაუბრნენ. ასევე, ტრამპმა აღნიშნა,რომ უკრაინის პრეზიდენტი მოსწონს.
“ბატონმა ზელენსკიმ ერთი რამ უნდა გააკეთოს. მომწონს ის… ბატონმა ზელენსკიმ ერთი რამ უნდა გააკეთოს - მან უნდა შეწყვიტოს რუსეთში დიზელის საწვავის მარაგების განადგურება. ურტყამდეს მიზნებს, მაგრამ დიზელის საწვავს არა, ვინაიდან ეს დეფიციტს იწვევს.
ეს [დეფიციტი] ახლო აღმოსავლეთის გამო არაა, ეს იმითა გამოწვეული, რაც რუსეთსა და უკრაინას შორის ხდება.
ასე რომ, ბატონ ზელენსკის ვესაუბრეთ ამაზე. უამრავი სხვა სამიზნეა - ნუ ურტყამთ დიზელის საწვავს, ვინაიდან ეს მთლიანად მსოფლიოს აზიანებს. არ გვინდა, რომ დიზელის საწვავს ურტყამდეს,” - განაცხადა ტრამპმა.