ქობულეთში, რკინიგზასთან ახლოს მეწყერი ჩამოწვა, რის გამოც ბათუმი-თბილისის მიმართულებით მოძრავი მატარებელი უკან დაბრუნდა
ქობულეთის მუნიციპალიტეტის სოფელ ბუკნართან მეწყრული პროცესი განვითარდა.
როგორც ქობულეთის მერი ირაკლი ცეცხლაძე "ინტერპრესნიუსთან” საუბრისას აცხადებს, შემთხვევის შედეგად არავინ დაშავებულა.
- მერის ინფორმაციით, ტერიტორიის გაწმენდით სამუშაოები უახლოეს პერიოდში დაიწყება.
საქართველოს რკინიგზის ინფორმაციით, მეწყერი მატარებლის ლიანდაგთან ახლოს დაფიქსირდა, რის გამოც უსაფრთხოების მიზნით სარკინიგზო მიმოსვლა შეფერხებულია. მათი თქმით, ბათუმი-თბილისის მიმართულებით მოძრავი მატარებელი სოფელ ბუკნარიდან უკან დაბრუნდა.
ცნობისთვის, ძლიერი წვიმაა აჭარაში, უხვმა ნალექმა ცალკეული პრობლემები შექმნა: ბათუმში რამდენიმე ქუჩა დაიტბორა.