"ქალი გადარჩენილია, მოძალადე კი შემთხვევის ადგილიდან გაიქცა" - სამირა ბაირამოვა
"ქალი გადარჩენილია, მოძალადე კი შემთხვევის ადგილიდან გაიქცა," - წერს უფლებადამცველი სამირა ბაირამოვა, რომელმაც ცოტა ხნის წინ დაწერა, რომ ქალზე ძალადობის შემთხვევას შეესწრო.
- "ქალი გადარჩენილია, მოძალადე კი შემთხვევის ადგილიდან გაიქცა. ადგილზე დროულად მივიდა დმანისის პოლიცია და სასწრაფო დახმარების ბრიგადა.
მადლობა მათ სწრაფი, დროული და ოპერატიული რეაგირებისთვის. ძალადობის თითოეულ შემთხვევას შესაბამისი და დროული რეაგირება სჭირდება. ზოგჯერ სწრაფ მოქმედებას ადამიანის სიცოცხლის გადარჩენა შეუძლია. გამიმართლა რომ მოძალადე მშიშარა იყო, არ ჰქონდა იარაღი. მარტო მივედი ადგილზე, ჯოხით," - წერს ბაირამოვა.